لاہور۔7 مارچ(اے پی پی )مزن وزیر ئِ مشیر برائے راجی راجدپتر ئُُ راجی مڈی عرفان صدیقی ئَ گوشت کہ مزن وزیر ئَ اِزمکار ئُ آرٹسٹ آنی گہبود ئِ ھاترا یک کمیٹی ئِ جوڑ کتگ ایش یک ماھے ئِ تہ ئَ آرٹسٹ آنی جیڈھ ئُُ آوانی گیواری ئِ ھاترا شور ئُُ سلاھ آں پیش کنت، آئی ئَ گوشت کہ مزن وزیر وت راجی دود ئُُ ربیدگ آناں دیمروئی ئُُ ازمکار آنی گہبود ئِ واستہ دل دیکیم اِنت ایشی ئِ سہرا دلیل اے کمیٹئِ جوڑ کنگ اِنت، آ سئے شمبے ئِ روچ ئَ ایوان اقبال ئَ اِزمکار آنی گہبود ئِ واستہ جوڑ کتگیں کمیٹی ئِ دیوان ئِ پاگواجئی کنان اَت، دیوان ئِ تہ ئَ اِزمکار آنی نماھندگ آں شور ئُُ سلاھ پیش کُت اَنت، ازمکار آنی جان سلامتی ئُ درنگ ئِ آسراری پجارینگ ئِ شور دیگ بوت اَنت، مزن وزیر ئِ مشیر برائے راجی راجدپتر ئُُ ادبی مڈی عرفان صدیقی ئَ گوشت کہ چاگرد ئَ مارگی اِنت کہ آ ھم آرٹسٹ آنی واستہ جوانیں حکومتی کوشست آنی گوما ھمبراھ داری بکن اَنت چیا کہ آوانی اِزم ئَ چہ سیل ئُُ سواد ئُُ دلوشی رس ایت، اِزمکار سرجمیں زندمان ئَ مردم آناں الکاپی ئَ دلوش کنت بلے پیری ئَ اِچ اِدارگ آئی ئِ گوما ھمبراھ داری نہ کنت۔
