کویت سٹی۔ 07 مارچ (اے پی پی) مزن وزیر محمد نواز شریف ئِ کویت ئِ مزن وزیرشیخ جابر المبارک الحامد الصباح ئَ گوں بایان پیلس ئَ گند ئُُ نند ئُُ ٹولہ آنی نیام ئَ سول ئُُ تران۔ اے موہ ئِ سر ئَ مزن وزیر ئَ گوشت کہ یک لکھ 14ھزار ئَ چہ گیش پاکستانی کویت ئَ نندوک اَنت ایش دوئیں ملک آنی نیام ئَ مھکمیں یکوئی ئِ گواچن اَنت۔ ایشی ئَ چہ پاکستان ئِ نیمگ ئَ کویت ئِ گوما یکوئی ئِ داتگیں ارزشت ئِ کچ ئُُ کیل کنگ بیت۔ آئی ئَ گوشت کہ پاکستان ئُُ کویت دراج بُریں اقتصادی ئُُ تجارتی شریکداری بوتگ اَنتئُُ پاکستان کویت ئِ گوما توامیں شوبگ آنی تہ ئَ وتی یکوئی ئَ را گیش مھکم کنگ ئِ واھشت مند اِنت۔ مزن وزیر ئَ گوشت کہ یکجائی وزارتی کمیشن معیشت ئِ بازیں شوبگ آنی تہ ئَ دو نیمگی کمک ئِ سر ئَ چا رئُُ تپاس گرگ ئُُ اے کمک ئَ را گیش ودینگ ئِ ھاترا ایشی ئِ گیشینتگیں وھد ئُُ پاس ئِ جوانتریں پلیٹ فارم پُجارین ایت۔ دوئیں ملک آنی نیام ئَ دو نیمگی تجارت ئِ ھوالگ ئَ مزن وزیر ئَ اے دل یکیمی ئِ درشان کُت کہ ایشرا سرجمیں اِزمکاری ئِ رد ئِ گیشن کنگ ئِ ضلورت اِنت۔ جندی شوبگ آنی وت مہ وتی دلبڑی ئَ چہ تجارت گیش بوھگ ئَ ھوار تجارتی کچ ئُُ کساس ئَ را برجم دارگ ئَ کمک ھم رسیت۔
