کویت سٹی۔ 07 مارچ (اے پی پی) مزن وزیر محمد نواز شریف ئَ کویت پارلیمنٹ ئِ سپیکر مرذوق علی الغانم ئَ گوں گند ئُُ نند کُت۔ کویتی پارلیمنٹ ئَ مزن وزیر پاکستان ئُُ آئی ئِ ٹولہ ئِ نیشنل پارلیمنٹ کویت ئَ سر بوھگ ئَ وش اتک کنگ بوت ئُُ آئی ئَ را کویتی پارلیمنٹ ئِ کوکا ئُُ کار ئِ بابت ئَ بریفنگ دیگ بوت۔ اے موہ ئِ سر ئَ مزن وزیر محمد نواز شریف ئَ گوشت کہ پارلیمانی ٹولہ ئِ وت مہ وتی تر ئُُ تاب ئِ وسیلگ ئَ دوئیں ملک آنی نیام ئَ یکوئی گش مھکم ئُُ دیمروئی ئَ را نپ ئُُ سیت رسیت۔ آئی ئَ دوئیں چیمبر آنی کر د ئِ گیش جوان کنگ ئِ ضلورت ئِ سر ئَ زور پر دات۔ مزن وزیر ئَ دوئیں آنی چیمبر آنی نیام ئَ پارلیمانی یکوئی ئِ کمک ئِ دیم ئِ بھر ئِ تہ ئَ گیشی آرگ ئِ شور ئُُ سلاھ دات ایش دوئیں ملک آنی نیام ئَ جوانیں سیادی ئِ آدینک ئَ پیش داریت۔ آئی ئَ گوشت کہ پاکستان دوئیں ملک آنی رھشونی ئُُ اُلس ئِ واھشت آنی گیش شائیگان کنگ ئِ سیادی ئُُ دل پھکی ئَ را ودینگ ئِ واستہ تیار اِنت۔
