کویت سٹی۔07مارچ ( اے پی پی) مزن وزیر محمد نواز شریف ءَ کویت مزن گس ءِ اسپیکر مرذوق علی الغانم ءَ گوں گند ءُ نند کتگ۔ کویتی مزن ءَ مزن وزیر پاکستان ءُ آئی ءِ ڈل ءَ را نیشنل پارلیمنٹ کویت آھگ ءَ وش اَتک کتگ ءُ آئی ءَ را کویتی مزن گس ءِ کارءُ کردءِ ھوالگ ءَ سرپد کتگ۔ اے موھءِ سرءَ مزن وزیر محمد نواز شریف ءَ گشتگ کہ مزن گسی ڈلانی وت مہ وت ءَ ترءُ تابانی وسیلگ ءَ ملک آنی درنیامءَ براتیں سیادی ءِ مھکمی ءُ دیم روئی یک دومی ءِ ھاترءَ پاھدگ مند بیت۔ آئی ءَ گشتگ کہ دوھیں چیمبر آنی کردءَ را فعال کنگ ءِ ضلورت ءِ سرءَ زور پِر داتگ۔ مزن وزیر ءَ دوھیں ملک آنی چیمبر آنی درنیام ءَ مزن گسی سیادی ءَ را کمک ءِ دیم ءِ بھر ءَ سر کنگءِ سوج داتگ کہ دوھیں ملک آنی ھاترءَ پاھد گ مند اِنت۔ آئی ءَ گشتگ کہ پاکستان دوھیں ملک آنی قیادت ءُ اُلس ءِ واھشتانی عکس کشی ءِ ھاترءَ نزیکی ءُ وت مہ وتءَ ترءُ تاباں گیش کنگءَ ساڑی اِنت۔
