کویت سٹی ۔07مارچ( اے پی پی) مزن وزیر محمد نواز شریف ءَ گشتگ کہ 2013ءَ وھدے کہ حکومت ءَ را سنبھال اِتگ گڈا جیڑ ھ ءُ جنجال سک باز بوتگ اَنت مرچی الحمداللہ جاورھال سک باز گہتر اَنت ، 90ءِ دہائی ءِ منصوبہ جاری بوتین اَں گڈا پاکستان ایشیئن ٹائیگر جوڑ بوتگ اَت ، توانائی ءِ پدمنتگی گشادی ءِ گوما گیش ءُ گیوار کنگءَ اَنت ، کویت ءَ پاکستانی آنی جیڑ ھ ءُ جنجالانی سرءَ کویت ءِ امیر ءِ گوما گپ کن ایں ۔ دوشمبے ءِ روچءَ اِد ءَ پاکستان کمیونٹی ءَ گوں تران کنانءَ مزن وزیرءَ گشتگ کہ پاکستان دیم روئی ءُ وشھالی ءِ نیمگءَ رھادگ اِنت، وھدے مہ اقتدار سنھبال اِتگ گڈا لین ، ناشرکاری ، معیشت وڑیں جیڑھ ءُ جنجالانی آماچ بوتگ اَنت ۔ آئی ءَ گشتگ کہ 26سال پیسر کویت ءَ اَتکگ اُوں ، اللہ ءَ مے پیسلہ ءَ را شرپ داتگ ءُ کویت آجوھ بوتگ۔ آئی ءَ گشتگ کہ ھُدا مُرزی کویتی امیر ءِ گوما گند ءُ نندءَ طائف ءَ شتگ اوں کہ آئی ءَ نہ تنا پاکستانءَ را ھرچ وڑیں کمک دیئگ ءِ درشانی کتگ بلکیں کمک پھجارینتگ، ولی عہد ءِ گوما شریں سیادی بوتگ۔ آئی ءَ گشتگ کہ کویت پاکستانءِ یک شریں دوستے جوڑ بوتگ، اگاں اے سلسلہ انچو بوتگیں گڈا دوستی گیش مھکم بوتگ اَت ءُ ایچ جنجالی نہ بوتگ اَت۔ آئی ءَ گشتگ کہ جنگ ءَ پد پاکستان ءُ کویت ءِ درنیامءَ سیادی جوان بوتگ اَنت، 1991ءَ دیم روئی ءِ گام مھکم بوتیناں گڈا مرچی پاکستان ایشیائی ٹائیگر جوڑ بوتگ اَت۔ آئی ءَ گشتگ کہ اڑھائی سا ل ءِ مدت ءَ مہ پاکستان ءَ را نوکیں کشکے پیش داشتگ ۔
