اسلام آباد۔ 07 مارچ (اے پی پی) جہانی امور نا چاہندار عبداللہ گل پارینے کہ بھارت پاکستان اٹی دہشت گردی نا واقعہ غاتیٹی اوار ئِ۔ ریڈیو پاکستان تون ہیت وگپ کرسامہمند ایجنسی ٹی شہید مروک آ پاک فوج انا ورناتا خاہوت آتون ہمدردی نا درشانی ئِ کرسا اوپارے کہ داوڑنا واقعہ غاتیان اوغانستان و پاکستان نا نیام اٹ حالیت آک پین خراب مننگ ئُ۔ اوپارے کہ پاکستان روس ئِ اوغانستان اٹی نیام تمنگ آن تورے ولے روس انا تینا ٹکر آک مسر، و دنیا ٹی پین 16پوسکن آ ریاست آتا اڈتننگ تون اوار اوار دیوال برلن ہم چٹا اوکان پد جرمن کمامدارآک ہمووخت انا جنرل (ر) حمید گل ئِ دا دیوال نا ٹکر اس گدریفے ہراڑآ دا نوشتہ کننگاسس کہ دا ٹیکی ہموبندغ اکن ئِ ہرا دا دیوال آ اولیکو ضرب ئِ خلک۔ اوپارے کہ پاک فوج باصلاحیت ئِ و ہروڑنا خلیس آتون مون تننگ ئِ چائک۔ اسہ سوج اسے نا ورندی ٹی اوپارے کہ بھارت پاکستان ئِ نزور کننگ خوائک و مودی موزی خراب ئُ سہدار اس جوڑ مسنے۔ عبداللہ گل پارے کہ اوغان حکومت ئِ بایدے مرے کہ او بھارت ئِ تینا گل زمین ئِ کاریم اٹ اتنگ کن ہلپ و ہموکان دہشت گرد آتے چٹفے۔
