اسلام آباد۔ 07 مارچ (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی دیر و بجلی ڈویژن نا پاور سیکٹر کن جم وڑاٹ حکومت داوخت اسکان اسہ کھرب 4ارب 37 کروڑ روپئی آن زیات نا فنڈ جاری کننگانے۔ حکومت پاور سیکٹر نا شونداری پروگرام تے کن اسہ کھرب 30 ارب روپئی نا فنڈ جتا کرینے۔ پلاننگ کمیشن نا برجاکروک حساب وکتاب نا رداٹ حکومت دیامیر بھاشاڈیم انا ڈغار نا ہلنگ و جوڑ جاڑ کن 9 ارب 67 کروڑ، 1200 میگاواٹ ایل این جی پاور پلانٹ بلوکی کن 30 ارب، حویلی بہادر شاہ ٹی 1200 میگاواٹ ایل این جی پاور پلانٹ کن 30 ارب، گوادر اٹی 132 کے وی سب اسٹیشن نا جوڑ جاڑ کن 6کروڑ،کوئٹہ ٹی 132 کے وی گریڈ اسٹیشن و ٹرانسمیشن لین اکن 7کروڑ 84لکھ تون اوار چندی شونداری ڈٹ آتے کن فنڈ جاری کرینے۔
