اسلام آباد۔ 07 مارچ (اے پی پی) وزارت ڈٹ بندی شونداری و اصلاحات سرکاری بشخ انا شونداری پروگرام تا چندی وزارت و ڈویژن آتے کن داوخت اسکان 4کھرب 79 ارب اسہ کروڑ 84لکھ روپئی آں زیات نا فنڈ جاری کننگانے۔ حکومت سرکاری بشخ انا شونداری ڈٹ آتے کن 8 کھرب روپئی نا فنڈ جتا کرینے۔ پلاننگ کمیشن نا برجاکروک حساب وکتاب نا رداٹ پرائم منسٹر ہنر مند پروگرام کن 7 ارب 94کروڑ، عارضی وڑاٹ بے اُرا مروک آ بندغ آتا بحالی کن 51ارب 73کروڑ، ایرا کن 10 ارب ، پائیدار شونداری ہدف آتے کن 20 ارب، سیفران فاٹا کن 15ارب 14کروڑ، گلگت بلتستان بلاک کن 4 ارب 74کروڑ، اے جے کے بلاک کن 12 ارب 70کروڑ، واپڈ پاور سیکٹر کن اسہ کھرب 4ارب ، نیشنل ہائی وے اتھارٹی کن اسہ کھرب 48 ارب، دیر و بجلی ڈویژن 9ارب 30 کروڑ، سپارکو کن 2 ارب، سائنس و ٹیکنالوجیکل ریسرچ ڈویژن کن اسہ ارب 16کروڑ، ریلوے ڈویژن اکن 24ارب 33کروڑ، پاکستان اٹامک انرجی کمیشن کن 17 ارب 25کروڑ، ملک اٹی جان جوڑی نا آسراتی تے گچین جوڑ کننگ کن 9 ارب 75کروڑ، نیشنل فوڈ سیکورٹی ریسرچ ڈویژن کن 51کروڑ، داخلہ ڈویژن کن 9 ارب 56کروڑ، ہائیر ایجوکیشن کمیشن کن 8 ارب 54کروڑ، ہاﺅسنگ اینڈ ورکس ڈویژن کن 4 ارب 65کروڑ، ڈیفنس پروڈکشن ڈویژن کن اسہ ارب 49 کروڑ، فیڈرل ایجوکیشن و پیشہ وارانہ تربیت کن 97 کروڑ، فنانس ڈویژن کن اِرا ارب 44کروڑ تون اوار چندی شونداری ڈٹ آتے کن فنڈ جاری کرینے۔ پلاننگ کمیشن اسہ خاص ئُ وڑوڈول اسے نا رداٹ سرکاری بشخ آتا شونداری پروگرام تے کن فنڈ جاری کننگ ئِ۔
