اسلام آباد۔ 06مارچ ( اے پی پی) مہمند ایجنسی ئَ سیم سر پار ئَ نا شرکار آنی پاک فوج ئِ سے چک پوسٹ آنی سرا اُرش ئِ آسر ئَ 5فوجی شہید بوت انت جوابی کارروائی ئَ 10نا شرکار جنئگ بوت انت۔ پاک فوج ئِ شعبہ تعلقات عامہ ( آئی ایس پی آر ) ئِ ردا گوستگیں شپ مہمند ایجنسی ئِ دمگ ئَ سیم سر پار ئَ پاکستان ئِ سے چیک پوسٹ آن نا شرکار آں نشانگ جوڑ کرت انت آئی ئَ پاک فوج ئِ ورنا آں ناکار جوڑ کنگ ئَ آھانی تاچینتگ ، تیر کاری ئِ بدل ئَ 5فوجی کارندہ شہید ئُُ 10نا شرکار جنئگ بوت انت۔ آئی ایس پی آر ئِ ردا شہید آں نائیک ثناءاللہ، نائیک صفدر، سپاہی الطاف، سپاہی نیک محمد ئُُ سپاہی انور ھوار انت۔ آئی ایس پی آر ئِ ردا آرمی چیف جنرل قمر جاوید باجوہ ئَ پاک فوجئِ ہما وھد ئَ جوابی کارروائی ئَ سہڑائینتگ انت۔ آئیئَ اوگان سیم سری دمگ ئَ اوگان سیکورٹی فورسز ئِ بوھگ ئِ ضلورت ئِ سرا زور دئیگ ئَ گشتگ کہ نا شرکار یک ھواریں ھترہ انت ئُُ آھان پاک فوج سیم سری دمگئَ آزادانہ لڈ ئُُ بہر ئُُ حرکت ئُُ کارروائی ئِ موکل دئیگ مہ بیت۔ آرمی چیف ئَ پاک فوج ئِ جانی تاوان ئِ سرا اپسوزے ئِ درشانی کنگئَ گشتگ کہ وطن ئِ بہادر سپوت آں ماتیں وطنئِ ھاتر ئَ جان قربان کرت انت۔
