جینیوا۔15اکتوبر (اے پی پی): جان ءُ سلامتی ءِ میاں اوستمانی ادارگ ءَ گشتگ کہ اکتوبر ءَ سرجمیں دنیاءَ کوویڈ۔19 ءِ کیس یک رندے پدا گیش بوہگ ءَ اَنت۔ میاں اوستمانی میڈیا میاں اوستمانی جان ءُ سلامتی ءِ کچءُ کساس ءِہوالگءَ گشگ بوتگ کہ موسمیاتی مٹءُ بدلی ءَ چہ بازیں دمگاں اے ہوپ گیش بوہگ ءَ اِنت، بلے وائرس ءِ شکل ءُ دروشم مٹ ءِ سببءَ ہوپ ءِ یک رندے پدا …
بازیں ملک آں ہوپ ءُ نادراہی ءِ جاورھال پدا ناگیگ بوہگ ءَ اِنت، جانءُ سلامتی ءِ میاں اوستمانی ادارگ
جینیوا۔15اکتوبر (اے پی پی): جان ءُ سلامتی ءِ میاں اوستمانی ادارگ ءَ گشتگ کہ اکتوبر ءَ سرجمیں دنیاءَ کوویڈ۔19 ءِ کیس یک رندے پدا گیش بوہگ ءَ اَنت۔ میاں اوستمانی میڈیا میاں اوستمانی جان ءُ سلامتی ءِ کچءُ کساس ءِہوالگءَ گشگ بوتگ کہ موسمیاتی مٹءُ بدلی ءَ چہ بازیں دمگاں اے ہوپ گیش بوہگ ءَ اِنت، بلے وائرس ءِ شکل ءُ دروشم مٹ ءِ سببءَ ہوپ ءِ یک رندے پدا گیش بوہگ ءِ امکان اَست۔ میاں اوستمانی جانءُ سلامتی ءِ ادارگ ءِ ردءَ بازیں ملک آں گرءُداری گامگیج ترند کنگ بوتگ اَنت۔ زانگ بہ بیت کہ ستمبر ءِ گڈ سرءَ کینیڈا ءِ مزن وزیر ءَ جار جتگ کہ کینیڈا ہوپ ءِ دومی بھر ءَ سربوتگ۔ فرانسیسی مزن وزیر ءَ 12 اکتوبر ءَ حال داتگ کہ فرانس ءَ اے ہوپ ءِ جاورھال یک رندے پدا ناگیگ بوہگ ءَ اِنت۔ ایشی ءَ ابید اسپین ءَ یک رندے پدا لاک ڈاؤن کنگ بوتگ وہدے کہ برطانیہ ءَ ہوار بازیں ملک آں یک رندے پدا ہوپ ءِ جاورھال ءِہوالگ ءَ اُلس ءَ را سرءُ سوج کنگ بوہگ ءَ اِنت۔
