اُمیت اَنت کہ پاکستان ءَ زوت لیبانی دگہ میاں اوستمانی مقابلہ ھم بیت، صدر ممنون حسین

پاکستان کرکٹ بورڈ، چیئرمین پی ایس ایل، پشاور زلمی ءَ را مراد بات داتگ
اسلام آباد۔06مارچ( اے پی پی) صدر ممنون حسین ءَ گشتگ کہ لیب جان ءُ سلامتی ءِ سُرءُ پراں گیش کن اَنت، ھیال کنگءِ عمل ءَ را پراھ ءُ شاھگان کن اَنت ءُ چاگرد ءِ تہا سگ ءُ اوپار ءِ ڈسپلن ءَ را گیش کن اَنت۔ صدر ممنون حسین ءَ گشتگ کہ حکومت ءَ ملک ءِ تہا لیبانی جان ءُ سلامتیں کلچر ءَ را دلبڈی دیئگ ءِ جزم کتگ ءُ پاکستان سپرلیگ ءِ فائنل میچ ءِ سوبمندی ءَ ھڈ دیئگ اے نیمگءَ یک گامگیج اِت۔ ملک ءِ صدر ءَ اے اُمیت ءِ درشانی کتگ کہ پاکستان ءَ زوت تنا کرکٹ نہ لیبانی دگہ میاں اوستمانی مقابلہ ھم بنت۔ ملک ءِ صدر ءَ پی ایس ایل فائنل لاہور ءَ سوبمندی ءِ گوما کنگ ءَ پاکستان کرکٹ بورڈ ءُ چیئرمین پی ایس ایل نجم سیٹھی ءَ را مراد بات داتگ۔ آئی ءَ گیش گشتگ کہ لیب ءِ وھدءَ مردمانی جوش ءُ جزبگ ناشرکاری ءُ بیم کاری ءِ ھلاپ ءَ راج ءِ جزم ءِ درشانیءَ کنت۔