اسلام آباد۔ 06مارچ (اے پی پی) جماعت اسلامی نا امیر سینیٹر سراج الحق پارینے کہ بھارت اوغانستان ئِ تینا مسخت کن کاریم اٹ اتنگ ئِ، پی ایس ایل دنیا تون رابطہ غاتا جوان انگا ذریعہ ئِ۔ دوشنبے نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ بھارت نا خواہش ئِ کہ پاکستان و اوغانستان نا تعلقداری تیٹی گچینی ودی مف دا تناﺅ نا گواچی مریر، بھارت اوغانستان ئِ تینا مسخت کن کاریم اٹ اتنگ ئِ ہرابایدے سنگت مروسس او اینو جلہو کننگ ئِ۔ سیکورٹی فورس آتیا جلہو نا ترندی اٹ مذمت ئِ کینہ۔ اوپارے کہ پاکستان ئِ تینا خارجہ پالیسی ئِ گچین جوڑ کننگ نا گرج ئِ۔ سینیٹر سراج الحق پارے کہ اوغانستان و پاکستان نا نیام اٹ ایلمی تعلقداریک ئُ۔ ہڑتوم آ ملک آک اسہ ایلو تون ہر معاملہ غا گنڈوک ئُ۔ اوغانستان نا کنڈآن سیکورٹی فورس آتیا جلہو بھارت نا شرارت ئِ ، داوڑنا جلہو آتیان ہڑتوم آ ملک آتا تعلقداری تیٹی خرابی ودی مریک۔ اسہ سوج اسے نا ورندی ٹی اوپارے کہ گوازی دنیا ٹی رابطہ غاتا ذریعہ ئِ وخت اس کہ پی ایس ایل نا اڈتننگ نا جہانی برادری نا پاکستان آ پت ودانے وخت اس کہ داوڑنا ایونٹ دنیا تون رابطہ غاتا ذریعہ جوڑ مننگ کیک۔
