دوشنبے۔ 12 اکتوبر (اے پی پی) تاجکستان نا صدر امام علی رحمان صدارتی گچین کاری تیٹی 90 درسد آن زیات وونٹ ہلسا اسہ وار ولدا سرسہب مس۔ تاجکستان نا الیکشن کمیشن نا رداٹ یک شنبے نادے آ مروک آ صدارتی گچین کاری تیٹی پدریسہ نتیجہ غاتا رداٹ حق رائے دہی ءِ کاریم اٹ اتوک آ 90.9 درسد الس امام علی رحمان نا حق اٹ وونٹ تسر، ٹرن آؤٹ 85 درسد ئس۔ تازہ سرسہبی امام علی رحمان نا اقتدار نا مسہ دہائی آن زیات وخت اسکان برجاسلنگ نا گمان ودی کرینے۔ او 1992ء آن تاجکستان اٹ حکمران ءِ۔
