واشنگٹن۔ 12 اکتوبر (اے پی پی) امریکہ نا صدر ڈونلڈ ٹرمپ انا کنڈآن اینخو نا سال کرسمس اسکان اوغانستان آن پورو فوجی تا کشنگ نا بیان آ پینٹاگون خاموشی اختیار کرینے۔ امریکی نشریاتی ادارہ نا رداٹ پینٹاگون صدر ٹرمپ انا بیان آ داتم اسکان ہچ ءُ ردعمل اس پاش کتنے وخت اس کہ وزیر دفاع مارک ایسپرسے تدوک آ پنچ شنبے آ پینٹاگون اٹ اسہ دود اسے ٹی اوغانستان آن فوجی تا کشنگ نا بابت سوج کننگا تو اودانا ہچ ءُ ورندی اس تتو۔ مارک ایسپر نا ترجمان جائنٹ چیفس چیئرمین جنرل مارک ملے و امریکی سینٹرل کمان صدر ٹرمپ انا بیان آ تران کننگ آن بشخنداری کرینو و وائس آف امریکہ ءِ پارینو کہ دا بابت وائٹ ہاؤس تون رابطہ کننگے۔ اسہ فوجی عہدیدار اس پن ءِ پاش کپننگ نا شڑت آ پارینے کہ صدر ٹرمپ انا ٹویٹ بیرہ بنائی لوز ءِ ولے ہر اسٹ اوغانستان آن فوجی تا کشنگ ءِ ترند ہرسا خننگ ءِ۔ فوجی عہدیدار مستی پارے کہ صدر ٹرمپ انا آفس اوغانستان آن فوجی تا کشنگ نا بابت پینٹاگون نا پالیسی ٹیم انا پارت آتا چاری ءِ تانکہ پین گائیڈ لائنز فراوان کننگ مرے۔
