اسلام آباد۔06مارچ( اے پی پی) ملکءِ صدر ممنون حسین ءَ گشتگ کہ کشمیر ءُ فلسطین ءِ جیڑھ ءُ جنجال اُلس ءِ واھشتا نی ردءَ گیش ءُ گیوار بنت۔ پاکستان ءِ اقتصادی استحقام مقبوضہ کشمیر ءِ آزادی ءِ منزل ءَ را نزیک کنت۔ ملک ءِ صدر ءَ اے گپ آزاد جموں ءُ کشمیر کونسل ءِ یک ڈلے ءِ گوما گند ءُ نند ءِ تہا کتگ کہ آھاں سردار عبدالخالق ولی ءِ قیادت ءَ آئی ءِ گوما گندءُ نند کتگ۔ صدر ممنون حسین ءَ گشتگ کہ آزاد کشمیر ءَ دیم روئی ءِ سفر بندات بوتگ کہ ایشی ءَ را سوب مند کنگءِ ھاترءَ اُلس وتی کردءَ پیش بہ کنت۔ ملک ءِ صدر ءَ گشتگ کہ پاکستان کشمیرءِ جیڑھ ءَ را میاں اوستمانی تک ءَ سرکنگءَ کمک ءَ جاری داریت۔ آئی ءَ گشتگ کہ پاکستان ءِ اقتصادی مھکمی مقبوضہ کشمیر ءِ آزادی ءِ منزل ءَ را نزیک کنت۔ ملکءِ صدر ءَ زور پِر داتگ کہ آزاد کشمیر ءِ ورناھ آناں سائنس ءُ ٹیکنالوجی ءُ آئی ٹی ءِ تعلیم ءِ نیمگ ءَ آرگ لوٹ ایت تنکہ آ خطہ ءِ دیم روئی ءِ تہا وتی کردءَ پیلو بہ کن اَنت۔ ملک ءِ صدر ممنون حسین ءَ گشتگ کہ پاکستان ءِ باندات روژناھ اِنت دلپروشی شنگ کنگ مہ بیت۔ آئی ءَ گیش گشتگ کہ سی پیک منصوبہ ءِ برورد پدر بوھان اَنت ءُ گوادر پورٹ ءَ ھم سُر ءُ پُر بندات بوتگ اَنت۔ ملک ءِ صدر ممنون حسین ءَ گشتگ کہ اُلس ملکءَ را دیم روئی کتگیں راجانی سرپ ءَ اوشتارینگ ءِ ھاترءَ سک جہد بہ کنت۔ آئی ءَ گشتگ کہ دیمروئی ءِ راج وتی کار ءِ کنگءُ دومی ءِ کارءِ تہا پاد مان کنگءِ تہا اِنت۔ آئی ءَ گشتگ کہ تعلیم ءُ جان ءُ سلامتی ءِ بجٹ ءِ تہا گیش گیشی کنگ بیت۔
