واشنگٹن۔ 08 اکتوبر (اے پی پی) امریکی صدر ڈونلڈ ٹرمپ اوغانستان اٹی ایلو سلوک آ امریکی فوجی تے کرسمس اسکان وطن آ پدی بٹنگ انگ نا عندیہ تسنے، چینی خبر رساں ادارہ نا رداٹ امریکی صدر تدوک آ دے تینا ٹویٹ اٹی پارے کہ اوغانستان اٹی خذمت سرتروک آ ایلو امریکی زالبول و نرینہ فوجیک کرسمس اسکان پدی بریر۔ داکان بیدس امریکی صدر نا قومی سلامتی نا سلاہکار رابرٹ او برائن تدوک آ دے لاس ویگاس اٹ یونیورسٹی آف نیو اڈا ٹی اسہ دود اسے ٹی پارے کہ اوغانستان اٹی 2021ء نا بناء اسکان امریکی فوجی تا کچ 2500 اسکان مرے و اوغان کڑدہ غاتے ملک اٹ امن و ایمنی و جنگ بندی کن امن معاہدہ غا تینٹ مون آ بروئی مریک ہنداخاطرآن ننا خیال ءِ کہ امریکی فوجی تے پدی بننگ نا گرج ءِ۔ یات سلے کہ امریکہ نا کمانڈر آف سینٹرل کمانڈ کینیتھ میک کینزی تدوک آ تُو پاریسس کہ اوغانستان اٹی نومبر نا بنااسکان امریکی فوجی تا کچ ءِ کم کرسا کم و ود 4،500 کننگک۔
