اسلام آباد۔ 06مارچ (اے پی پی) سرکاری بشخ انا شونداری پروگرام تیٹی کیڈ ڈویژن نا شونداری ڈٹ آتے کن جم وڑاٹ 2ارب 14کروڑ روپئی آن زیات نا فنڈ جاری کرینے۔ حکومت اینخو مالی سال اٹی دا ڈویژن نا شونداری کاریم تے کن 3ارب 56کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت اسلام آباد اٹی فیملی سوئٹس نا جوڑ جاڑ کن 50کروڑ، پاک سیکرٹریٹ اٹی مسیت نا اپ گریڈیشن کن 4کروڑ، پمز اٹی بریسٹ کینسر نا بشخ اکن 4کروڑ، پمز اٹی چلڈرن ہسپتال کن 5کروڑ 97لکھ، اسلام آباد اٹی اسکول آتا تزئین و آرائش و اپ گریڈیشن کن اسہ ارب روپئی تون اوار چندی شونداری ڈٹ آتے کن فنڈ جاری کرینے۔
