اسلام آباد۔ 06مارچ (اے پی پی) قومی اسمبلی ئِ پاننگانے کہ سال 2013ءآن داوخت اسکان بھارتی فوج انا کنڈآن جنگ بندی معاہدہ نا 1427خلاف ورزی کننگا ہرافتے ٹی 111شاری شہید و 457ٹھپی مسر۔ دوشنبے نا دے قومی اسمبلی نا دیوان اٹی وقفہ سوج آتیٹی وزارت دفاع نا کنڈآن ایوان ئِ پاننگاکہ بھارتی فوج ورکنگ باﺅنڈری و لین آف کنٹرول آ رزاک اٹ شاری آبادی ئِ نشانہ جوڑ کننگ ئُ۔ پاک فوج انا خلاف ورزی تا پبی ورندی تننگ ئِ و بھارت نا کنڈآن جارحیت تون مون تننگ کن پوروی وڑاٹ تیار ئِ۔
