نیویارک۔ 06 اکتوبر (اے پی پی) جہانی مالیاتی فنڈ(آئی ایم ایف) 28 غریب ملک آتیکن مالی امداد نا منظوری ءِ تسنے ہراڑآن اوفتے تینا وام تا بھاریم ءِ کم کننگ و انسداد کورونا گام گیج آتیٹی کمک رسینگک۔ جہانی ادارہ نا کنڈآن جاری بیان نا رداٹ ہرا غریب ملک آتیکن امدادی پیکج نا منظوری ءِ تننگانے اوفتے ٹی اوغانستان، بینن، فاسو، برونڈی، جمہوریہ نیامی افریقہ، چاڈ، کومروس، جمہوریہ کانگو، جبوتی، ایتھوپیا، گیمبیا، گنی، گنی بساؤ، ہیٹی، لائبیریا، مڈغاسکر، ملاوی، موزمبیق، نیپال، نائیجر، روانڈا، ساؤٹومواینڈ پرنسپ، سیرالیون، سولومن جزائر، تاجکستان، تنزانیہ، ٹوگو و یمن اوار ءُ۔ دا ملک آتے امداد نا ارٹ میکو قسط ءِ جاری کننگ انگ ءِ۔ افریقی ملک مالی ہم دا امداد نا ہلنگ نا اہل ءِ۔ ولے ہموڑے فوجی حکومت نا سوب جہانی برادری نا گڑتی ءِ، آئی ایم ایف وسیلہ غاتا دستیابی آ سلاہ ئی گرانٹ بروک آ اِراسال انا وخت اٹ (اپریل 2020ء اسکان) دا ملک آتے فراوان کیک۔ امداد نا کچ انا جم کساس 959ملین ڈالر(95 کروڑ 90 لکھ ڈالر) مننگ نا گمان ءِ۔ داکان مست اپریل نا نیام اٹ 25 ملک آتیکن ہنداوڑنا گام اس ہرفنگاسس تانکہ او آئی ایم ایف ءِ تیان وام تا زرتس و کورونا دین اتون مون تننگ کن ہلہلہ ئی وڑاٹ مالی وسیلہ فراوان کننگ ئس، دا ریلیف کیٹاسٹروف کنٹینمنٹ اینڈ ریلیف ٹرسٹ(سی سی آرٹی) نا کمک اٹ تننگانے ہرا آئی ایم ایف ءِ قدرتی آفت و جان جوڑی نا تنکی تیان زہمی زیات غریب و حساس ملک آتسکان امداد نا رسینگ ءِ پک کننگ اٹ کمک فراوان کیک۔
