کویت نا پوسکن آ امیر شیخ نواف الاحمد الصباح نا متکن آ کابینہ ءِ زمواری تا ادا کننگ ءِ برجا تخنگ نا پارت

کویت سٹی۔ 06 اکتوبر (اے پی پی) کویت نا وزیراعظم و اونا مچ آ کابینہ آئینی خواست آتا رداٹ تینا استیفہ ءِ پوسکن آ امیر ءِ پیش کرینے وخت اس کہ پوسکن آ امیر کابینہ ءِ تینا فرض انا ادائیگی ءِ برجاتخنگ و بروک آ پارلیمانی گچین کاری تا تیاری کننگ نا پرمان کرینے۔ کویت نا سرکاری خبررساں ادارہ نا رپورٹ نا رداٹ وزیراعظم شیخ صباح الخالد الصباح پوسکن آ امیر شیخ نواف الاحمد الصباح تون اوڑدہی کرے و ملکی آئین نا رداٹ تینا و تینا کابینہ نا استیفہ ءِ پیش کرے۔ امیر شیخ نواف الاحمد الصباح ساڑی آ کابینہ غا پبی پت انا درشانی ءِ کرے و اوفتے تینا زمواری تا ادائیگی ءِ برجاتخنگ نا پارت کرے۔ یات سلے کہ کویتی آئین نا رداٹ پوسکن آ امیر نا زمواری تے سنبھالنگ نا حالیت اٹ حکومت نا استیفہ تننگ المی ءِ تانکہ پوسکن آ وزیراعظم و وزیر آتے پوسکن آ امیر نا پورو پت دوئی مرے۔ امیر شیخ نواف الاحمد الصباح زوت ولی عہد نا پن انا ہم پڑو ءِ کیک ہرانا تقرری کن پارلیمنٹ نا منظوری ءِ ہلنگک۔