کابل۔5اکتوبر (اے پی پی): اوگانستا ءِ صدر اشرف غنی ءُ اوگان راجی شور ءُ مشورہ کونسل ءِ سروک عبداللہ عبداللہ ءَ ملک ءِ جاور ھاسیں رنگ ءَ گتر ءَ طالبان ءِ گوما جاڑیگیں سول ءُ تران آنی بابت ءَ ھیال ریچی کت۔ اوگان ھال رسانکی ادارگ آوا ءِ رد ءَ عبداللہ عبداللہ ءَ صدر ہائوس ءَ اشرف غنی ءَ گوں گند ءُ نند کنان ءَ وتی تر ءُ تاب پاکستان ءُ اے ملک ءِ کارندہ آنی گوما بوھوکیں گپ ءُ تران آنی بابت ءَ رپوٹ پیش کت۔ اوگانستان ءِ راجی سول ءُ ترانی کونسل ءِ سروک عبداللہ عبداللہ ءَ وتی سئے روچی اسلام آباد ءِ تر ءُ تاب ءَ پاکستانی مزن وزیر ءُ صدر ءَ ھوار اے ملک ءِ کارندہ آں گوں گند ءُ نند ءُ تران کتگ بوتگ۔ عبداللہ عبداللہ ءَ وتی اے تر ءُ تاب ءَ را آسری نامینان ءَ گوشت کہ اے گند ءُ ند ءَ آئی ءَ پاکستانی کارندہ آں گوں اوگان ایمنی کار آنی سر ءَ دل یکیمی ءِ درشان کتگ۔ دوئیں سروک آں ملک ءِ جاور ءُ ایمنیں سول ءُ تران آنی ھوالگ ءَ ھیال ریچی کت۔
