اسلام آباد۔3اکتوبر (اے پی پی): امریکی صدر ڈونلڈٹرمپ کورانا وائرس ءِ ٹیسٹ پازیٹو آیگ ءَ چہ پد ہسپتال ءَٹرانسفر کنگ بوتگ وھدیکہ آئی ءِ لوٹ بانک میلانیا ٹرمپ ءَ وتارا قرنطینہ کتگ، امریکی ھال رسانک آنی رد ءَ صدر ءِ ٹرمپ ءَ را ہیلی کاپٹر ءِ وسیلگ ءَ ہسپتال ءَ ٹرانسفر کنگ بوتگ آ دگرے چہ کمک گرگ ءُ زورگ ءَ ابید وتی پاداں روان ءُ ہسپتال ءَ پترتگ۔ ہسپتال ءَ روگ ءِ وھد ءَ صدر ءِ ٹرمپ ءَ ماسک ھم بستگ ات۔ ہسپتال ءَ روگ ءَ چہ پیسر وتی کلوہ ءَصدر ءِ ٹرمپ ءَ جان سلامتی ءِواستہ نیکیں دعا ءُ نیک کنگ ءِ پد ءَمردم آنی شگر ءُ منت واری گپت ۔ ٹرمپ ءَ گوشت کہ آئی ءِ طبعیت گہتر گوھگ ءَ انت، میلانیا ھم جوان انت۔
