اسلام آباد۔06مارچ( اے پی پی) مزن وزیر محمد نواز شریف ءَ ملکی دیمپانی ءِ ھاترءَ جان ندرکنوکیں پاک فوج ءِ ورناھ آں داد ءُ سلام پیش کتگ ءُ گشتگ کہ آ راج ءِ راستیں بامرد اَنت۔ دوشمبے ءِ روچءَ جاری یک بیانے ءِ تہا گشتگ کہ مزن وزیر ءَ مہمند ایجنسی ءَ سیمسرءَ آدیم ناشرکاری اُرشءَ شہید بوتگیں پاک فوج ءِ 5ورناھ آنی شہادت ءِ سرءَ آھاں دادءُ سلام پیش کتگ ءُ گشتگ کہ ماتیں وطن ءِ رکھینگ ءِ ھاترءَ جان ندر کنوک مئے راستیں بامرد اَنت ءُ راج ناشرکارانی ناکام مو ل ءُ مراد ءِ ھلاپ ءَ آئن ءِ ڈھیوال جوڑ بیت ءُ آھاں داد ءُ سلام پیش کنگ ءِ جزم ءَ کنت۔ مزن وزیر مءَ ورناھ آنی شہادت ءِ سرءَ د ل ءِ جہلانک ءَ ڈُکھ ءُ اپسوز ءِ درشانی کتگ ءُ گشتگ کہ پاکستان ءِ سیمسر ءُ شہر ورناھ آنی برکت ءَ مھکم چہ مھکم تر بنت آئی ءَ گشتگ کہ ناشر کار اگاں اے سرپد بنت کہ آ مئے راج ءَ را نیزور کت نہ اَنت گڈا آ رد ورگ ءَ اَنت۔ آئی ءَ گشتگ کہ آپریشن ردالفساد ھرچ وڑیں ناشرکاری ءِ ھلاپ اِنت اگاں ملکءِ تہا ساڑی اِنت یا کہ ڈن ءَ چہ کار کنگءَ اِنت آھانی ھلاپ اِنت۔ آئی ءَ گشتگ کہ پاکستان ءِ دُژمن وتی سیلّیں ھیال ءُ لیکہ آنی گوما برباد بنت۔ مزن وزیر ءَ ناشرکاری ءَ شہید بوتگیں ورناھ آنی درجگانی برُز بوھگءِ ھاترءَ دعا ءُ آھانی ھاندانانی سگ ءُ اوپار ءِ ھاترءَ دعالوٹ اِتگ۔
