اسلام آباد۔ 02 اکتوبر (اے پی پی) جہانی مالیاتی فنڈ(آئی ایم ایف) پارینے کہ کوویڈ۔ 19 نا دین انا سوب آن 2019ء نا مقابلہ ٹی 2021ء ٹی وام تا کچ انا ودنگ نا گڑتی ءِ۔ وام تا کچ شون ہلوک ملک آتا جی ڈی پی نا 20 درسد، ایمرجنگ مارکیٹ آتا 10 درسد و پدتموک کم کٹیا والا ملک آتا وام تیٹی 2019ء نا مقابلہ ٹی 2021ء ٹی 7 درسد ودکی نا گمان ءِ۔ آئی ایم ایف تینا بلاگ اٹ جہانی کہول آ وام تا کچ اٹ کمتی کن اصلاحات نا دمدستی گرج آ زور شاغسا پارینے کہ شون ہلوک، ایمرجنگ و کم کٹیا والا زیات تر ملک آتا وام تا تناسب مہالو آن اوفتا جم قومی پیداوار (جی ڈی پی) نا تناسب آن زیات ءِ ولے کوویڈ۔ 19 نا دین انا سوب داٹی تاریخی ودکی نا گمان ءِ۔ جہانی ادارہ پارے کہ گڑاس پدتموک ملک آتا وامک مہالو آن جی ڈی پی نا مقابلہ ٹی بھاز زیات ءُ و او پین وام ہلنگ خوارہ۔ ہنداوڑ ایمرجنگ مارکیٹ و کم کٹیا والا ملک آتے وام تیٹی ودکی ٹی سخت مشکل مون تروک ءِ ہرافتا چٹفنگ کن جہانی وام تا کچ اٹ کمتی کن جامع اصلاحات نا دمدستی گرج ءِ۔
