اسلام آباد۔06مارچ( اے پی پی ) پاکستان ءَ مہمند ایجنسی ءَ پاک فوج ءِ سیمسری چوکیانی سرءَ سیمسر ءَ آ دیم ءَ چہ ناشرکار اُرشءِ تہا 5ورناھ ءُ خیبر ایجنسی ءِ یک ورناھے ءِ شہادت ءِ وئیل ءَ را سک باز ایر جتگ ءُ اوگان حکومتءَ گوں ترندی ءَ زارشانی کتگ۔ دوشمبے ءِ روچ ءَ دری کارانی کارگس ءِ نیمگءَ چہ جاری بیان ءِ ردءَ اوگانستان ءِ ڈپٹی ہیڈ آف مشن ءَ را دری کارانی کارگسءَ لوٹگ بوتگ ءُ اے وئیل ءِ سرءَ پاکستان ءِ تکانسری ءَ چہ سرپد کنگ بوتگ ءُ اوگان حکومت ءِ سرءَ زور پِر دیئگ بوتگ کہ آ اے وئیلانی تحقیقات ءَ بہ کنت ءُ اے وڑیں وئیلانی گرءُ دار ءِ ھاترءَ و تی سرڈگار ءَ چہ کاروائی کنوکیں ناشرکارانی ھلاپ ءَ ترندیں کاروائی بہ کنت۔
