اسلام آباد۔ 06 مارچ (اے پی پی) مہمند ایجنسی ٹی سیم پار آن دہشت گرد آتا پاک فوج انا مسہ چیک پوسٹ آتیا جلہو اٹی 5فوجی شہید مسر ، ورندی کارروائی ٹی 10 دہشت گرد خلنگار۔ پاک فوج انا شعبہ تعلقات عامہ (آئی ایس پی آر) نا رداٹ تدوک آنن مہمند ایجنسی نا علاقہ ٹی سیم پار آن پاکستان نا مسہ چیک پوسٹ آتے دہشت گرد آک نشانہ جوڑ کریر ہرادے پاک فوج انا ورناک بے سہب جوڑ کرسا اوفتے پدی خسار، اسہ ایلو آ سم کاری ٹی 5فوجی کارندہ شہید و 10 دہشت گرد خلنگار۔ آئی ایس پی آر نا رداٹ شہید آتیٹی نائیک ثناءاللہ ، نائیک صفدر، سپاہی الطاف، سپاہی نیک محمد و سپاہی و سپاہی انور اوار ئُ۔ آئی ایس پی آر نا رداٹ آرمی چیف جنرل قمر جاوید باجوہ پاک فوج انا بروخت ورندی کارروائی نا ستائِ کرے۔ اواوغان سیمی علاقہ ٹی اوغان سیکورٹی فورس آتا ساڑی گری نا گرج آ زورشاغسا پارے کہ دہشت گرد آک اسہ اسیجائی ئُ خلیس اسے ئُ و اوفتے پاک اوغان سیمی علاقہ ٹی آزادانہ ہن وبر و کارروائی تا بایدے موکل تفننگے۔ آرمی چیف پاک فوج انا جانی نسخان آ است ہسونی نا درشانی ئِ کرسا پارے کہ وطن نا سپوت آک لمہ وطن کن جان تے ندر کریر۔
