اسلام آباد۔06مارچ( اے پی پی) مہمند ایجنسی ءَ سیمسرآں آ دیم ءَ ناشرکاراں پاک فوج ءِ سئے چیک پوسٹ آنی سرءَ اُرش کتگ کہ ایشی ءِ تہا 5فوجی شہید بوتگ اَنت، جوابی کاروائی ءِ تہا 10ناشرکار جنگءُ کُشگ بوتگ۔ پاک فوج ءِ شعبہ تعلقات عامہ ( آئی ایس پی آر) ءَ گشتگ کہ گوستگیں شپ مہمند ایجنسی ءِ دمگءَ سمیسرءَ آدیم ءَ پاکستانءِ سئے چیک پوسٹ آناں ناشرکاراں وج کتگ کہ بلے اے پاک فوج ءِ ورناھاں ناکام کتگ ءُ آھاں دیم ءَ آھگ نیشتگ ، یکے دومی ءِ سرءَ تیرگواری کنگ بوتگ کہ ایشی ءِ تہا 5فوجی اہلکار شہید ءُ 10ناشرکار جنگ ءُ کُشگ بوتگ اَنت۔ آئی ایس پی آر ءَ گشتگ کہ شہیدانی تہا نائیک ثناء اللہ، نائیک صفدر ، سپائی الطاف، سپائی نیک محمد ءُ سپائی انور ھوار اَنت۔ آئی ایس پی آر ءَ گشتگ کہ آرمی چیف جنرل قمر جاوید باجوہ ءَ پاک فوج ءِ وھدءِ سرءَ جوابی کاروائیءَ را ساڑاتگ۔
