ریاض۔ 24 ستمبر (اے پی پی) سعودی عرب اٹ مسجدالحرام انتظامیہ عمرہ زائر و نماز کن مسجد الحرام آ بروک آتیکن تیاری تا بناءِ کننگا۔ سعودی میڈیا نا رداٹ کورونا دین انا تالانی ءِ توننگ کن عارضی بند مننگ آن پد مسجد الحرام انتظامیہ چار اکتوبر آن مرحلہ وار عمرہ ءِ بحال کننگ کن تیاری تا بناءِ کرینے۔ انتظامیہ نا پاننگ ءِ کہ مسجد الحرام اٹ تھرمل کیمرہ پوسکن آ ٹیکنالوجی آن شُپ کننگانو، اگہ زائر اس دانا مون آ گدرینگک ہرانا درجہ حرارت حد آن زیات مریک تو دا دمدستی الارم اٹ معلومدار کیک، اوکان پد موقع غا ساڑی انتظامیہ نا کارندہ غاک زہمی بندغ نا بابت رکھی گام گیج اختیار کیرہ تانکہ پین زائر اسے دین لگپ۔ ڈاکٹر عبدالرحمان السدیس ماسک پروگرام نا بابت پارے کہ زائر آتیکن ماسک انا پابندی المی مریک۔ دا گام گیج کورونا دین ءِ تالانی آن توننگ و زائر آتا جان جوڑی و سلامتی نا خاطر کننگ انگ ءِ۔ اوپارے کہ عمرہ نا موکل آن مست خانہ کعبہ ءِ سینیٹائزر کننگ نا کاریم اٹ ہم اہم ءُ بشخ اسے۔
