حضرو۔ 04مارچ ( اے پی پی) بنجاہی وزیر پارلیمانی امور شیخ آفتاب احمد ءَ گشتگ انت کہ ھستیں حکومت ءَ ملک ءَ امن ءُُ ایمنی ءِ شر تری ءِ ھاتر ءَ ھاسیں گامگیج زرتگ انت، زوت چہ ملک ءَ امن ءِ بحال بیت، آپریشن رد الفساد ءِ سرا حکومتءُُ فوج یک پیج ءِ سرا انت۔ اینا ے 57ءَ کونہ کونہ ءَ تاں 2018ءَ سوئی گیس دئیگ بیت۔ اے ھیال آنی درشانی آئی ءَ معروف سیادی ءُُ چاگردی مردم شیخ حامد محمود ءِ نیمگءَ داتگیں عشائیہ ءِ موہ ءَ ھیال آنی درشانی کنگ ءَ کرتگ۔ اے موہ ءَ شیخ اجمل محمود ، ڈاکٹر محمد اشرف بٹ، شیخ غلام صمدانی، شیخ عارف محمود، شیخ خالدی، حاجی سیف الرحمن، ملک جاوید، ملک اکمل شفیق ، ءُُ دومی مزنیں کساس ءَ ن لیگ ءِ کارندہ ھوار ات انت۔ شیخ آفتاب احمد ءَ گشتگ کہ مسلم لیگ نءِ حکومت ملک ءَ امن ءُُ ایمنیءِ بر قردارگءِ ھاتر ءَ میاں عملی گام گیج بہ زور انت آئی ءِ ثمر زوت اُلس ءِ دیما کیت۔ میاں برات آن ملک دوست پالیسی ءِ وجہءَ مرچی پاکستان ءِ نام درستیں دگنیا ءَ برز بوتگ انت ہمے وجہ انت کہ درستیں راج مزن وزیر محمد نواز شریف ءِ گوں ھوار اوشتاتگ انت۔ آئی ءَ گشت کہ 2018ءِ گچینکاری ءَ مسلم لیگ ن مزنیں اکثریت ءَ سر سوبی گرگ ءَ دیمروی ءِ سفر برجاہ داریت۔
