اقوام متحدہ۔ 22 ستمبر (اے پی پی) اقوام متحدہ نا سیکرٹری جنرل پارینے کہ ساڑی بے یقینی نا رداٹ اونا ادارہ امریکی اعلامیہ نا بنداو آ ایران آ دُوارہ پابندی خلنگ کن ہچ ءُ کارروائی اس کپک۔ اقوام متحدہ نا سفارتی حوالی نا رداٹ سیکرٹری جنرل انتونیوگوتریش کونسل ءِ مون تروک آ اسہ چھٹی اسے ٹی پارینے کہ بظاہر داباندات آ غیر یقینی خننگک۔ کونسل نا کیہی باسک آتا موقف ءِ کہ امریکی گام گیج انا ہچ ءُ کانودی بنداو اس اف انتئے کہ امریکہ ایران و جہانی واک آتا نیام اٹ مروک آ 2015ء نا جوہری سمجھوتہ غان پیش تمانے۔ اوڈیہہ ٹی پیدواری کرے کہ داوڑ بے یقینی نا ساڑی مننگ اٹ سیکرٹری جنرل ہچ ءُ گام گیج اس کننگ کپک۔ اوپارے کہ ایران آ پابندی تا حالیت آتا بابت سلامتی کونسل نا وضاحت داتم اسکان بتنے چنانچہ او پابندی تیا عملدرآمد نا چاروکی کن چاہندار آتا پینل نا تقرر کون آ ہچ ءُ کمک اس فراوان کپک۔
