اسلام آباد۔ 04مارچ(اے پی پی) بنجاہی وزیر ریلوے خواجہ سعد رفیق ءَ پنت ءُُ شون کرتگ انت کہ بیس کروڈ پاکستانی آں سفر ءُُ مال بردات ءِ شریں آسراتی دئیگ ءُُ ادارگ ءِ تاوان ءَ کم کنگ ءِ ھاتر ءَ پبلک پرائیویٹ پارٹنر شپ ءِ ماڈل ءَ ترجیحی بنیات آنی سرا پکر کنگ ءَ انت۔ ریلوے ہیڈ کوارٹرز ءَ برزیں پڑی یک مراگش ءَ تران کنگ ءَ خواجہ سعد رفیق ءَ گشتگ کہ میرٹ ، دیانت ءُُ ساپ ءُُ پلگار پجارینگ ءِ اصول ءِ سرا عمل کنگ ءَ پاکستان ریلویز ءَ شالیمار ایکسپریس ءَ یک ارب ہشتاد کروڑ کلدانہ ءِ سرا آؤٹ سورس کرت انت کہ آ اول ءَ الما 66کروڑ سالانہ نہ دئیگ ءَ ات۔ آئی ءَ اے موہ ءَ وشحال خان خٹک ءُُ بولان ایکسپریس ءَ یک بار پدا پبلک پرائیویٹ پارٹنر شپ ءِ ھاتر ءَ پیش کنگ ءِ پنت ءُُ شون کرتگ۔ آئی ءَ دِگہ گشتگ کہ پاکستان ریلویز یک ریگولیٹری ادارگءِ پڑ ءَ کار بہ کنت ءُُ اُلس ءَ نہ الما شریں سفری آسراتی پبلک پرائیویٹ پارٹنر شپ ءِ ذریعہ ءَ دئیگ بیت بلکں ریلوے ءِ ہزار آنی ملازم آں ہم آسراتی دات بہ کنت۔
