اقوام متحدہ۔ 21 ستمبر (اے پی پی) اقوام متحدہ نا چندی عہدیدار آک تینا انٹرویو تیٹی نیزگاری ٹی کمتی نا چرجوئی ٹی چین نا دوئی کروک سرسہبی تا ستاءِ کرسا داہیت آ زور شاغار کہ چین سویل کمکاری ٹی اہم کڑد ادا کننگ ءِ۔ اقوام متحدہ نا ڈپٹی سیکرٹری جنرل فیبریزیوہاکسلڈ چینی میڈیا پڑک ءِ انٹرویو ترسا پارے کہ 75 سال مست اقوام متحدہ ان جوڑ مننگ آن پد آن چین اقوام متحدہ نا ہرکاریم اٹ خاص کر نیزگاری نا چٹفنگ اٹ اہم شراکت کرینے۔ چین اٹی 1.4 بلین بندغ ءِ نیزگاری آن کشنگانے۔ چین اقوام متحدہ نا پائیدار شونداری ہدف 2030 ءنا دوئی کننگ اٹ کمک فراوان کننگ ءِ۔ اونا سلاہ ٹی ایلو ملک آک چین انا سرسہبی تیان بھاز انگا گڑاتے ہیل کننگ کیرہ و بھاز انگا ملک آک چین نا آزموندہ غاتیان ہیل ہم کننگ ءُ۔ سویل سویل کمکاری نا بارواٹی ہیت کرسا اونا پاننگ ئس کہ تینا ملک آن نیزگاری نا چٹفنگ آن بیدس چین ایلو پدتموک ملک آتے نیزگاری آن کشنگ اٹ کمک تننگ نا پبی کوشست کننگ ءِ۔ چین کرار کرار آ اقوام متحدہ نا کماشی ٹی شونداری ڈٹ آتیکن فنڈ فراوان کروک آ ملک جوڑ مننگ ءِ، ہرانیزگاری ٹی کمتی کن بھاز المی ءِ۔
