اٹھکل کوشست ءَ ایکو ملک اسلام آباد اعلامیہ ءِ مکسد حاصل کرت کن انت باسک ملک آنی نیامءَ ویزہ آنی وڑ ءُ کار ءَ نرمی آرگ المی انت
اسلام آباد۔ 04مارچ( اے پی پی) بنجاہی وزیر سینیٹر محمد اسحاق ڈار ءَ گشتگ انت کہ ایکو ملک دراجیں تپاک ءُُ رابطہ آنی ذریعہ ءَ خطہ ءِ اقتصادی ءُُ واپاری گہتری ءَ کار مرز کرت کن انت۔ ایکو وژن 2025ءِ پجارینگ ءَ نجی سیکٹر ءِ کرد باز ھاس انت۔ اے گپ آئی ءَ گشتگیں روچ ایکو چیمبر آف کامرس وصنعت ءِ ٹولہ ءِ گوں گپءُُ تران کنگءَ کرتگ آھاں آئیپی ایم گِس ءَ گند ءُُ نند کرت انت۔ بنجاہی وزیر ءَ مہمان آنی خیر مقدم کنگ ءَ اقتصادی کمک تنظیم ءِ سر سوب سروکی مراگش ءِ سرا مزن وزیر ، حکومت ءُُ پاکستانی اُلس ءِ نیمگ ءَ مبارکباتی داتگ۔ اسحاق ڈار ءَ گشتگ کہ دگنیا ءِ آباتی ءِ 16درصد ایکو خطہ ءَ انت بلے میاں استمانی واپاری ءَ آھانی بہر الما 2درصد انت۔ آئی ءَ گشتگ کہ ایکو ملک آں واپاری، سرمایہ کاری ءِ شعبہ ءِ سرا ھاسیں دیان دئیگ المی انت۔ آئی ءَ گشتگ کہ چیمبر آف کامرس ءُُ صنعت اے سلسلہ ءَ ھاسیں کرد ادا کرت کنت۔ بنجاہی وزیر ءَ اٹھکل کوشست ءَ ایکو ملک اسلام آباد اعلامیہ ءِ مطلوبہ مکسد حاصل کرت کنت۔ آئی ءَ ایکو ٹریڈ اینڈ ڈویلپمنٹ بنک ءِ فعال کرد ءِ سرا ہم زور داتگ۔ اسحاق ڈار ءَ گشتگ کہ پاکستان ءَ میکرو اکنامک محکمی رستگ انت ءُُ نوں پائیدار دیمروی ءِ نیمگ ءَ روان انت۔ میاں استمانی زانتکار ہم پاکستان ءِ اقتصادی پیشرفت ءِ اعتراف کنگءَ انت۔
