راولپنڈی۔ 04مارچ ( اے پی پی) ششمی مردم شماری ءِ ھاتر ءَ پاک فوج ءِ کمک ءِ پڑ ءَ کوآڑڈینیشن مراگش ہفتگ ءَ منگلا ءَ بیت۔ پاک فوج ءِ شعبہ تعلقات عامہ ( آئی ایس پی آر ) ءِ نیمگ ءَ برجاہ بیانءِ ردا کور کمانڈر منگلا لیفٹیننٹ جنرل عمر فاروق درانی، پاکستان بیورو برائے شماریات ءِ مائندگ ءُُ سول انتظامیہءَ مراگش ءَ بہر زرت انت۔ مراگش ءَ شریدار آں مردم شماری ءِ سر سوبی اڈ دئیگ ءِ ھاتر ءَ تیاری ءِ ھواری چار ءُُ تپاس گپت انت ءُُ اے سلسلہ ءَ تیاری آنی سرا تسلا ءِ درشانی کرت انت۔ کور کمانڈر منگلا ءَ مراگش ءَ شریدار آں یقین داتگ کہ فوج چیف آف آرمی سٹاف ءِ پنت ءُُ شون ءِ ردا مردم شماری ءِ شریں وڑ ءَ اڈ دئیگءِ ھاترءَ سرجمی ءَ کمک دنت۔ بیان ءِ ردا بنجاہی مردم ءُُ خانہ شماری ءِ اڈ دئیگ ءِ ھاتر ءَ معاونت ءِ پڑ ءَ پاک فوج ءِ دو لکھ جوان ءُُ افسر سول انتظامیہ ءِ گوں کمک بہ کن انت۔
