نیویارک۔ 16 ستمبر (اے پی پی) نیویارک اٹی اقوام متحدہ نا صدر دفتر اٹی اقوام متحدہ نا 74 می جنرل اسمبلی نا ایسری و 75 می جنرل اسمبلی نا بنائی دود اڈ ہلک۔ 75 می جنرل اسمبلی نا چیئرمین وولکان بوزکر تینا سوغند ءِ ہرفے۔ اوتینا تران اٹی پارے کہ انسداد کورونا دین انا جہانی کمکاری نا مون آ دننگ، کثیر الطرفہ پسندی و انسانی حق انا رکھ 2030نا پائیدار ایجنڈا و قابل تجدید شونداری ہدف آتا پوروی و صنفی بریبری نا ٹہیفنگ تینا تعیناتی نا مد اٹ کنا اولیت مریک۔ اقوام متحدہ نا سیکرٹری جنرل انتونیو گوٹریس تینا تقریر اٹی زور شاغا کہ اقوام متحدہ جان جوڑی نا نظام نا مخ تفی ءِ پین سوگو کے، کوویڈ۔ 19 نا درمان نا پوسکن آ وڑوڈول و ویکسین نا تیاری و ساف بشخنگ ءِ پک کننگے۔ جنرل اسمبلی امن و سلامتی، سلہہ غاتا چٹفنگ، انسانی حق، صنفی بریبری و پائیدار شونداری تون اوار جہانی چیلنج آتون مون تننگ برجاسلک۔
