پاکستان ءَ حقیقی مانا ءَ دیمروی کنوک ریاست جوڑ کنگ ءِ ھاتر ءَ حکومت ءِ وژن ملک ءِ درستیں بنجاہی یونٹ آنی دیمروی ءُُ وشحالی ءَ ابید ممکن نہ انت
اسلام آباد۔ 04مارچ ( اے پی پی) مزن وزیر محمد نواز شریف ءَ گشتگ انت کہ پاکستان ءَ حقیقی مانا ءَ دیمروی کنوک ریاست جوڑ کنگ ءِ ھاتر ءَ حکومتءِ وژن ملک ءِ درستیں بنجاہی یونٹ آنی دیمروی ءُُ وشحالی ءَ ابید ممکن نہ انت۔ آئی ءَ اے گپ ہفتگ ءَ مزن وزیر گِس ءَ سر وزیر بلوچستان سردار ثناء اللہ خان ءِ گوں گند ءُُ نندءَ کرتگ۔ سر وزیر بلوچستان ءَ مزن وزیر ءَ صوبائی حکومت ءِ نیمگءَ اُلسی فلاح ءُُ بہبود ءِ ھاتر ءَ لہتیں دیمروی منصوبہ ءُُ چاگردی گام گیج ءِ باروا آگاہ کرتگ۔ سر وزیر ءَ گشتگ کہ صوبہ آنی سلامتی ءِ جاورال ءَ شر تری ءِ وجہ ءَ دیمروی ءُُ چاگردی بہبود ءِ منصوبہ آں نوکیں روح، جبزگ ءُُ توانائی ءِ گوں دیمروی داتگ انت۔ مزن وزیرءِ نیمگءَ بلوچستان ءَ دیمروی منصوبہ آں ترجیحی بنیات ءِ سرا دیما روگ ءِ سرا سر وزیر بلوچستان ءَ مزن وزیر محمد نواز شریفءِ شکر ءَ گپتگ ءُُ گشتگ کہ گوست ءَ بلوچستان ءِ اُلس ءِ محرومی آنی سرا بنجاہی حکومتءِ نیمگ ءَ موزوں وڑ ءَ دیان نہ دات انت۔ مزن وزیر ءَ گشتگ کہ حکومت پاکستان ءَ حقیقی مانا آں دیمروی دئیگ ءَ ریاست جوڑ کنگءِ وژن داریت ءُُ دیمروی کنوک ریاست جوڑکنگ ءِ ھاتر ءَ حکومتءِ وژن ملک ءِ درستیں بنجاہی یونٹ آنی دیمروی ءُُ وشحالی ءَ ابید ممکن نہ انت۔ آئی ءَ گشتگ کہ پاکستان ءِ درستیں صوبہ آں ملک ءِ وسیلگ ءِ سرا بروبر ھق است انت ءُُ مئے اے ذمہ واری جوڑ بیت کہ ماں درستیں صوبہ بشمول فاٹا ءُُ گلگت بلستان ءِ نیام ءَ وسیلگ آنی منصفانہ بہر ءُُ بانگ ممکن جوڑ بہ کن انت۔ مزن وزیر ءَ گشتگ کہ آ وت بلوچستان ءَ برجاہ دیمروی منصوبہ ءُُ سکیم آنی رفتار ءِ چار ءُُ تپاس گیت۔ مزن وزیر ءَ گشتگ کہ آئی ءِ حکومت ءِ ایجنڈا درستیں ملک ءَ دیمروی ءُُ وشحالی انت۔ گوادر ءِ بندرگاہ بلوچستان ءُُ خطہ ءِ اُلس ءِ ھالت بدل کنگ ءِ استعداد داریت۔ مزن وزیر ءَ گشتگ کہ مئے حکومت ءَ دیمروی منصوبہ ءُُ گام گیج ءِ وجہ ءَ بلوچستان ءِ اُلس وت واجہ بیت ءُُ آ زندگی ءِ لہتیں شعبہ آں وتی استعداد کار ءَ کار مرز کاریت۔
