اسلام آباد۔ 16 ستمبر (اے پی پی) چین پاکستان اقتصادی راہداری (سی پیک) ڈٹ آن پاکستانی تیکن 75 ہزار ملازمت ودی مس ہراڑآن ہر بندغ نا کٹیا ٹی 23 درسد ودکی مس۔ زرکاری بورڈ انا کمامدارآتارداٹ چین سی پیک نا تفنگ آن پاکستانی تیکن براہ راست 75 ہزار ملازمت ودی مس ہراڑآن ہر بندغ نا کٹیا ٹی 23 درسد ودکی مس۔ 100 ایس ایم ایز سی پیک نا تفنگ اٹ سدآ بلکن ہزار آ ملازمت فراوان کرے، سکھر ملتان موٹروے پروجیکٹ تنیا 29 ہزار ہندی بندغ آتے روزگار فراوان کرے ہرانا تفنگ اٹی بھلو کچ اسے ٹی پاکستانی تکنیکی چاہندار آتے تربیت ہم تننگا خاص وڑاٹ زیات آن زیات پاکستانی زالبول ءِ سی پیک نا رداٹ ملازمت ملنگ ءِ۔ ہنداوڑ تھر بلاک دوم نا ڈٹ اٹی 126 ہندی زالبول آتے ٹرک ڈریونگ نا نوکری تیا ملازمت تننگا۔ اوپارے کہ پورٹ قاسم پاور پلانٹ نا تفنگ اٹ 4 ہزار ہندی بندغ آتے ملازمت نا وارخواہی رسینگا و آپریشنل مرحلہ ٹی 1270 بندغ آتے روزگار ملا وخت اس کہ 150 انجینئر آتے تکنیکی تربیت کن چین آ گدریفنگا۔
