لاہور۔13ستمبر (اے پی پی )گورنر پنجاب چوہدری محمد سرور ءَ گوشت کہ گوستگیں دو سال آنی تہ ءَ پی ٹی آئی حکومت ءِ کار کرد دروری بوتگ، ملک ءَ ڈکالی ءَ چہ بچارینتگ، آئی ایم ایف ءِ ترندی لوٹ آنی سر ءَ سول ءُ تران کنگ، ایف اے ٹی ایف ءَ بلیک لسٹ بوھگ ءَ آزات کنائینگ ءِ واستہ کوشست، سیم سر آنی سر ءَ ترس ءُ بیم آناں ھلاس کنگ ءُ میاں اوستمانی تک ءَ ملک ءِ شرپ ءُ ازت ءُ امیج ءَ را گہتر کنگ، پنجاپ ءَ اوورسیز کمیشن ءِ برجائی پی ٹی آءی حکومت ءِ جوانیں کار کرد آنی تہ ءَ ھوار انت۔ اے گپ آئی ءَ یک شمبے ءِ روچ ءَ اداس ” اے پی پی” ءَ را داتگیں گلگدار ءِ ساھت ءَ پی ٹی آئی حکومت ءِ دو سالی کار کرد ءِ بابت ءَ گوشت۔ آئی ءَ گیش گوشت کہ توامیں معاشی کلان آں مئے حکومت ءَ را ھراب لیک اتگ، بلے پی ٹی آئی حکومت ءَ الس ءَ را دروگ ءُ بٹاک ناں بلکینگ ءَ پی ٹی آئی ءَ توامیں چیلنج آں گوں دیم پہ دیمی کتگ ءُ میاں اوستمانی دوست ءُ مھکمیں کوشست ءُ کمک آنی وسیلگ ءَ کامیاتی در جتگ، گورنر ءَ یک جستے ءِ پسو ءَ گوشت کہ حکومت کرنٹ وام آناں کمک ءَ چہ کم کنگ، پاکستان اسٹاک ایکسچینج مارکیٹ ءِ مھکم جوڑ کنگ ءُ کورونا وائرس ءِ ھوپ ءَ را کم ناکام کنگ ءَ ھم کامیات بوتگ، آئی ءَ گوشت کہ ” پاکستان ءَ کرنٹ اکائونٹ وام 20 ارب ڈالر بوتگ بلے پی ٹی آئی ءِ حکومت ءَ ایشرا کم کنان ءَ ایوک ءَ 3 ارب ڈالر کتگ۔ آئی ءَ گوشت کہ پاکستان ءَ سٹاک مارکیٹ دگنیا ءِ لستیں سٹاک مارکیٹ آنی تہ ءَ یک ات ایش کورونا وائرس ءِ ساھت ءَ ھم برجم بوتگ۔ آئی ءَ گیش تران کت ءُ گوشت کہ ملک ءَ بینکاری ءِ راجدپتر ءَ اولی رند ءَ مارٹگیج ءِ پالیشی رد ءُ بند کنکگ بوتگ ایشی ءِ تہ ءَ گس آنی جوڑیشت ءِ واستہ 5 درسد وام پجاری کنگ بوتگ وھدیکہ معاشی چست ءُ ایر آنی گیش کنگ ءُ الس ءَ را ریلیف ءِ پجاری ءِ رد ءَ سُت ءِ کساس 13.25 درسد ءَ چہ کم کنان ءَ 7 درسد کنگ بوتگ، کوویڈ 19 ھوپ ءِ بابت ءَ چوہدری محمد سرور ءَ گوشت کہ مئے پنڈت آں کوویڈ 19 ھوپ ءِ نادراھی ءِ نتیجگ ءَ جان سلامتی ءِ نظام ءُ معیشت ءِ ھلاسی ءِ پیشوکی کتگ بوتگ بلے پی ٹی آئی ءِ حکومت ءَ اے ھوپ ءَ را گر ءُ دار کتگ۔
