اسلام آباد ۔ 13 ستمبر (اے پی پی) صدر مملکت ڈاکٹر عارف علوی ءِ سروکی ءَ گورنر گس سندھ ءَ مزن تکی دیوان برجم دارگ بوت ایشی ءِ تہ ءَ جتا جتائیں شوبگ آں گوں سیادی داروکیں کاروباری سروک آں بھر زوری کت۔ دیوان ءَ گورنر سندھ عمران اسماعیل ھم شریک ات۔ سروک آنی تہ ءَ فاطمہ گروپ ءِ فواد مختار، لیک سٹی ہولڈنگ ءِ گوہر اعجاز، سیفائر ءِ شاہد عبداللہ، یو ایس گروپ ءِ میاں محمد احسن ، طارق رفیع، احمد تبا، ندیم فیروز ءَ بھر زوری کت۔ دیوان ءَ راوی سٹی ءُ بنڈل آئی لینڈ منصوبگ ءَ بریفنگ دیگ بوت۔ دیوان ءِ ساھت ءَ سرمایہ کار آں مزن وزیر ءِ جوڑیشتی صنعت ءِ واستہ چست کتگیں گامگیج آں دل یکیمی ءِ درشان کت۔ دیوان ءِ ساھت ءَ تران کنان ءَ صدر ءِ مملکت ڈاکٹر عارف علوی ءَ گوشت کہ راوی سٹی ءُ بنڈل آئی لینڈ منصوبگ در ملکی سرمایہ کار آنی واستہ جوان انت، اے منصوبگ آں چہ روزگار ءِ بے کساس موہ پیداک بیت۔
