اسلام آباد ۔ 13 ستمبر (اے پی پی) وزیر ءِ مملکت ءُ چیئرمین سرمایہ کاری بورڈ عاطف آر بخاری ءَ گوشت کہ پاکستان ءُ چین مرچی (دو شمبے ءَ ) پاک چین اقتصادی راہداری (سی پیک ) چیر دستی ءَ رشکئی ھاسیں اقتصادی زون ءِ جوڑیشت ءِ واستہ دیمروئی منوگر آنی سر ءَ دست چنگل بجنت۔ کاروبا ءِ واستہ جوانیں جاور پجاری کنگ ءُ ملک ءَ یک شل ءَ در ملی سرمایہ کار آناں دلگوش کنگ اے منوگر ءِ سر ءَ دست چنگل ءِ مراگش مزن وزیر کارگس ءَ برجم دارگ بیت۔ رشکئی ھاسیں اقتصادی زون منوگر پاکستان ءَ ھاسیں اقتصادی زونز آناں دیمروئی دیگ ءِ وژن ءِ پکوئیں رنگ ءَ گام انت۔ وزیر ءِ مملکت ءُ چئیرمین سرمایہ کاری بورڈ ءَ یک شمبے ءَ ادا جاڑی بوتگیں بیان ءِ تہ ءَ گوشت کہ پاک چین اقتصادی راہداری (سی پیک) ءِ چیر دستی ءَ رشکئی ھاسیں اقتصادی زون ءِ جوڑیشت ءِ واستہ دیمروئی منوگری پاکستان ءَ ھاسیں اقتصادی زونز آناں دیمروئی دیگ ءِ وژن ءِ ھاترا پکوئیں گام ءُ وشھال ءُ صنعتی پاکستان ءِ نیمگ ءَ یک جوانیں گام گیج ات۔ آئی ءَ گوشت کہ سی پیک ءِ چیر دستی ءَ پاکستان ءَ ھاسیں اقتصادی زونز آنی جوڑیشت ءَ باز دیمروئی کار بوتگ ءُ اے زونز نوں تجارت ءُ کاروبار ءِ واستہ تیارانت۔ آئی ءَ گوشت کہ رشکئی اقتصادی زون ءَ را کامیات جوڑ کنگ ءِ واستہ بنجاھی حکومت ءَ ھمک سال دیمروئی پروگرام ءَ 1.8 ارب کلدار ءِ سوگند کتگ، اے فنڈ ءَ چہ اقتصادی زون آناں 210 میگاواٹ توان ءُ 30 ایم ایم سی ایف ڈی گیس پجاری کنگ بیت۔
