ملتان ۔12 ستمبر(اے پی پی) مزن وزیر ءِ ھاسیں کمکار ڈاکٹر ثانیہ نشتر ءَ گوشتگ کہ لنگر خانہ سکیم ریاست مدینہ ءِ وڑ ءَ گہبودی ریاست ءِ نیمگ ءَ جنزگ جوانیں گام ات۔ آئی ءَ گوشت کہ اے منصوبگ ءِ بنیاتی مول ءُ مراد ایش انت کہ مردم آنی شرپ ءُ ازت ءِ گوما آوانی کمک کنگ بہ بیت۔ اے ھیالانی درشانی آئی ءَ جنرل بس سٹینڈ ءِ لنگ خانہ ءِ تر ءُ تاب ءِ موہ ءَ تران کنان ءَ کت۔ آئی ءَ گوشت یک سروے ءِ رد ءَ پاکستان ءَ 2 کروڑ 40 لکھ مردم گریب ءُ روزنداری کار کنوک انت۔ ایش ملکی آباتی ءِ ٹوھیں بھر ات۔ آئی ءَ گوشت کہ لنگر خانہ پیریں مسافر، طالب زالبول ءُ دومی بزگیں مردم آنی ازت ءَ کنگ ءَ آں۔ آئی ءَ گوشت کہ مزن ویر عمران خان ءِ ویژن ءِ رد ءَ پاکستان ءِ راجدپتر ءَ اولی رنگگ ءَ الس ءِ ازمت کنگ بوھگ ءَ انت۔ مزن وزیر عمران خان ءِ ویژن ءِ رد ءَ پاکستان ءِ راجدپتر ءَ اولی رنگ ءَ اینکیاس ٹوھیں کساس ءَ شیلٹر ہوم ءُ لنگر خانہ جوڑ کنگ بوھگ ءَ انت۔ آئی ءَ گوشت کہ پشت کپتگیں دمگ آنی مردم روزگار ءِ پٹ ءُ پول یا دوا ءُ درمان ءِ واستہ ٹوھیں شہر ءَ کاینت۔ مریض ءُ نودربر ہوٹل ءِ ھرچ ءُ درچ ءَ سگ ات نہ کناں، لنگر خانہ آوانی واستہ یک ٹوھیں آسراتی ات۔ آئی ءَ گوشت کہ مزن وزیر عمران کان ءِ حکم ءِ پد ءَ لنگر خانہ ءُ شیلٹرز ہوم ڈویژنل ہیڈ کوارٹرز ءِ سر ءَ جوڑ کنگ بوتگ تانکہ جوانیں رنگ ءَ گس ءُ وردن ءُ وراک پجاری کنگ بہ بیت۔
