حکومت پشت کپتگیں تبک ءِ برجائی ءَ ھاسیں دلگوشی دیگ ءَ انت، ڈاکٹر عبدالحفیظ شیخ

اسلام آباد ۔ 12 ستمبر (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ حکومت پشت کپتگیں تبک ءِ مردم آنی برجائی ءِ واستہ ھاسیں دلگوشی دیگ ءَ انت، اقتصادی دیمروئی ءِ واستہ جندی شوبگ ءِ دلبڈی انت۔ آئی ءَ اے گپ شمبے ءِ روچ ءَ کراچی ءَ اوورسیز انویسٹرز چیمبرر ءِ مراگش ءَ گوں گشتانک دیان ءَ کت۔ آئی ءَ گوشت کہ وھد ءِ حکومت سروکی ءَ اتکگ گڈا ملک ءَ مشکلیں اقتصادی جاور آنی گوما دیم پہ دیمی بوتگ، زرامبار آنی بنجاھ کم، ڈن ملکی ادائیگی ءِ تہ ءَ مشکل آنی گوما دیم پہ دیمی بوتگ۔ آئی ءَ گوشت کہ کورونا ءَ گوں گر ءُ چیل ءِ واستہ پاکستان ءِ گامگیج ءَ را میاں اوستمانی تک ءَ ساڑاھگ بوت۔ مشیر ھزانگگ ءَ گوشت کہ کورونا ءِ سبب ءَ ھواریں دیمروئی ءِ کساس ءُ ٹیکس ءِ گرگ ءِ تہ ءَ کمی بوتگ۔