اسلام آباد ۔ 12 ستمبر (اے پی پی) صدرمملکت ڈاکٹرعارف علوی ءَ گوشت کہ کورونا وائرس ءِ ھوپ ءَ وتی شہیر آناں کمک ءِ پجاری ءِ ھوالگ ءَ پاکستان ءَ دگنیا ءَ درور نکش کتگ۔ حکومت ءَ ھوپ ءِ ساھت ءِ ملک ءِ نیم آباتی ءَ را کمک پجاری کتگ، پاکستان اے ھما وھد ءِ دیمروئی کنت وھد ءِ حکومت ءُ ریاست ءِ لس مردم ءِ گوما سیادی بہ بیت، پاکستان وتی درئی نیک راھ آنی منوک آناں گوما باز جوان انت۔ آئی ءَ اے گپ شمبے ءِ روچ ءَ ادا میر پور خاص ءَ سیلاپ ءَ چہ آماچیں دمگ آنی تہ ءَ کمکی سامان آنی بھر ءُ بانگ ءِ موہ ءَ برجم داشتگیں دیوان ءَ گشتانک دیان ءَ کت۔ صدر ءِ مملکت ءَ گوشت کہ مرچی حکومت ءِ تہ ءَ اے سسا اتکگ کہ وھد ءِ مشکلیں وھد ءِ بیت گڈا اے رنگ ءَ کمک پجاری کنگ بہ بیت، حکومت محل آنی تہ ءَ نہ بیت، حکومت الس آنی گپ ءَ جناں، الس ءِ گوما باں ءُ الس ءِ مشکل آنی گیواری ءَ کنت۔ صدر ءَ گوشت کہ کورونا وائرس ءِ ھوپ ءَ دگنیا ءَ پاکستان ءِ درور نکش کتگ، پاکستان ءِ حکومت ءَ یک کروڑ 69 لکھ ھاندان آناں 12،12 ہزار کلدار ءِ نگری کمک پجاری کتگ چیا کہ الس مشکل ءَ بوتگ انت، مئے مردم بے روزگار بوتگ انت، اے رنگ ءَ مردم آناں وردن ءُ وراک پجارینگ المی بوتگ اگاں اے وڑ کنگ نہ بوت گڈا شدیکی بیت، ھمے ھاترا ہندوستان ءُ ایندگر ملک آںی وڑ ءَ پاکستان ءَ سرجمیں لاک ڈائون کنگ نہ بوتگ، اے ملک آنی تہ ءَ الس ءُ حکومت ءِ نیام ءَ رابطہ بند بوتگ، بھارت ءَ فیکٹری بند کنگ ءَ چہ مردم 1500 کلومیٹر دور پیدل روگ کپتگ، صدر ءَ گوشت کہ پاکستان انچیں ملک ات کہ آھودا مزن وزیر ءَ گوشتگ کہ فیکٹری بند کنگ نہ بنت ءُ مردم آناں گس آنی توک ئَ کمک پجارینگ بیت، حکومت ءَ ھوپ ءِ ساھت ءَ ملک ءِ نیم آباتی ءَ را کمک پجاری کتگ، دگنیا ءَ اچ جاھ ءَ اے وڑ نہ بوتگ، اے پاکستان ءَ بوتگ، دگنیا ءَ کورونا وائرس شنگ ءُ تالان بوھگ ءَ انت، ہندوستان ءَ ھمک روچ لکھ آنی کساس ءَ مردم ایشی ءَ چہ آماچ بوھگ ءَ انت۔ پاکستان وتی درئی نیک راھ آںی منوک آنی گوما جوانیں یکوئی کنت بھارت ءَ اے جاور دگہ رنگ انت، بھارت درئی نیک راھ آناں لگت مال ءُ کیز ءُ بندی کنگ آوار جنگ ءِ سبک ءِ سر ءَ انت۔ آئی ءَ گوشت کہ عمران خان ءَ گوشتگ کہ ما دگنیا ءَ را گوشاں کہ پاکستان وتی درئی نیک راھ آنی منوک آناں آسراتی ءُ ایمنی یے بانزل آنی چیر ءَ کنت۔ صدر ءَ کمکی چست ءُ ایر آنی تہ ءَ شیخ خلیفہ بن زید ٹرسٹ، یو اے ای ءِ حکومت ءُ ایندگر ادارگ آنی شگر ءُ منت واری گپت۔
