پاکستان ءِ مدام بُن گپ ھمے بوتگ کہ اوگان جیڈھ ءِ گیواری ھاٹیگ ءِ وسیلگ ءَ بوت نہ کنت، وشیں گپ ایش انت کہ مرچی دگنیا پاکستان ءِ بن گپ ءَ را منگ ءَ انت، اوگان سروک آنی واستہ اے یک جوانیں موہ ات کہ آ اے سول ءُ تران آنی وسیلگ ءَ اوگانستان ءَ دراج بُریں ءُ مھکمیں ایمنی ءِ کشک ءَ ساپ بکن انت، مخدوم شاہ محمود قریشی

اسلام آباد ۔ 12 ستمبر (اے پی پی) وزیر ءِ درئی کار مخدوم شاہ محمود قریشی ءَ گوشت کہ میاں اوستمانی سول ءُ تران آنی برجائی، اوگانستان ءَ ایمنی ءُ برجائی ءِ واستہ بن ھشتی سنگ ءِ بستار ءَ دار ایت۔ گوستگیں وھد ءِ ردئی آناں رپیٹ کنگ مہ بیت۔ اوگان الس ءَ را بزگی ءَ یل کنگ مہ بیت ھمے وڑ کہ پیسر ءَ بوتگ۔ سول ءُ تران ءِ ساھت ءَ اوگان آناں وتی آیوکیں باندات ءِ پسلہ وت کنگی انت۔ ایوک ءَ اوگان وتی آیوکیں باندات ءِ پیسلہ کنگ ءِ وت مستر انت۔ اوگان ایمنی ءَ را آسر ءَ سر کنگ ءِ واستہ میاں اوستمانی برات آناں وتی کرد پیلو کنگ ءِ ضلورت انت۔ اے گپ آئی ءَ شمبے ءِ روچ ءَ دوحہ ءَ میاں اوستمانی سول ءُ تران آنی بنداتی مراگش ءَ گشتانک دیان ءَ کت۔ وزیر ءِ درئی کار ءَ نائب مزن وزیر ءُ وزیر ءِ درئی کار قطر ءِ ھاسیں دعوت ءِ ساھت ءَ ویڈیو لنگ ءِ وسیلگ ءَ بھر زوری کنگ ءَ ات۔ پاکستان ءِ نیمگ ئَ ھاسیں نماھندگ برائے اوگان ایمبیسیڈر محمد صادق دوحہ دیوان ءَ شریک انت۔ پاکستان ءِ بن گپ مدام ھمے بوتگ کہ اوگانس جیڈھ ءِ گیواری ھاٹیگ ءِ وسیلگ ءَ بوت نہ کنت۔ وشیں گپ ایش انت کہ مرچی دگنیا پاکستان ءِ بن گپ مدام ھمے بوتگ کہ اوگان جیڈھ ءِ گیواری ھاٹیگ ءِ وسیلگگ ءَ بوت نہ کنت۔ وشیں گپ ایش انت کہ مرچی سرجمیں دگنیا پاکستان ءِ بن گپ ءَ را منگ ءَ انت۔