اسلام آباد ۔ 11 ستمبر (اے پی پی) پاکستان ءِ جوڑیشتکار قائداعظم محمد علی جناح ءِ 72 ھپتاد ءُ دومی سالروچ آدینگ ءِ روچ ءَ شرپ ءُ ازت ءِ گوما برجم دارگ بوت۔ محمد علی جناح 1913 ءَ بگر تاں پاکستان ءِ آجوئی 14 اگست 1947 ءَ تاں انڈیا مسلم لیگ ءِ سروگ بوتگ، پدا پاکستان ءِ جوڑیشت ءَ چہ پد وتی بیرانی ءَ آ ملک ءِ اولی گورنر جنرل بوتگ۔ سرکاری رد ءَ پاکستان ءَ آئی ءَ را قائداعظم بزاں درستاں چہ مستریں سروک ءُ بابائے راج گوشگ بیت۔ محمد علی جناح 20 بیستمی کرن ءِ بنداتی 20 سال ءَ آل انڈیا کانفرس ءِ ارزشتیں ایں سروک ءِ رد ءَ سہرا بوتگ۔ وتی سیاسی ءِ بنداتی زمانگ ءَ آءی ءَ ہندو مسلم اتحاد ءِ واستہ کار کتگ۔ 1916 ءَ آل انڈیا مسلم لیگ ءُ آل انڈیا نانگریس ِ نیام ءَ بوھوکیں وت مہ وتی تپاکی میثاق لکھنو ءِ رد ءُ بند کنگ ءَ آئی ءَ ارزشتی ایں کرد پیلو کتگ۔ جناح آل انڈیا ہوم رول لیگ ءِ ارزشتی ایں سروک آنی تہ ءَ بوتگ۔ آئی ءَ 14 ٹک ھم پیش کتگ ایشانی مول ءُ مراد ہندوستان ءِ مسلامان آناں سیاسی ھک ءِ دیگ بوتگ۔ جناح 1920 ءَ آل انڈیا کانگریس ءَ چہ دست کش بوتگ، ایشی ءِ سبب ءَ آل انڈیا کانگریس ِ موہن داس گاندھ ءِ سروکی ءَ ستیا گرا ءِ گامگیج ءِ چلائینگ ءِ پیسلہ کتگ۔ 1940 ءَ تاں جناح ءَ را اے دل یکیمی بوتگ کہ ہندوستان ءِ مسلمان آناں یک جتائیں وطن ءِ کوشست کنگ لوٹ ایت۔ ھمے سال مسلم لیگ ءَ جناح ءِ سروکی ءَ منوگر پاکستان ءِ منظوری دات ایشی ءِ مول ءُ مراد نوکیں مملکت ءِ جوڑیشت ءِ لوٹ بوتگ۔ دومی ٹوھیں جنگ ءِ ساھت ءَ آل انڈیا مسلم لیگ مھکم بوت ۔ آئی ءَ مہاجر کیمپ آناں زاتی رنگ ءَ وت چار ءُ تپاس کپتگ۔ جناح 71 سال ءِ امبر ءَ بیران بوتگ۔ آئی ءِ بابت ءَ نبشتہ کار اسٹینلی وولپرٹ نبشتہ کنت کہ جناح پاکستان ءِ ٹوھ تریں سروک بوتگ۔
