چیف سیکرٹری بلوچستان ءَ صوبگ ءِ جتا جتائیں بھر آنی تہ ءَ استیں ھور ءُ ارگ ءِ جاور ھال، جانی ءُ مالی تاوان، انفراسٹرکچر ءِ برجائی، الس ءَ را طبی جان سلامتی ءِ آسراتی، راشن ءِ پجاری ءُ ریلیف ءِ چست ءُ ایر آنی بابت ءَ گامگیج آنی سر ءَ بریفنگ دات
کوئٹہ ۔ 11 ستمبر (اے پی پی) مزن وزیر عمران خان ءِ سروکی ءَ صوبہ بلوچستان ءَ استیں ھور ءُ ارگ ءُ سیلاپ ءَ چہ بوھوکیں جانی ءُ مالی تاوان، برجئی ءِ گامگیج، صوبگ ءَ کورونا ھوپ ءِ جاور ھال ءُ گر ءُ دار ءِ ھوالگ ءَ گامگیج ءُ بلوچستان ءَ جاڑیگیں آیوکیں دیمروئی منصوبگ آنی سر ءَ دیمروئی ءِ ھوالگ ءَ گامگیج آںی سر ءَ چار ءُ تپاسی دیوان آدینگ ئَ روچ ءَ ادا برجم دارگ بوت۔ بنجاھی وزیر برائے دیمپانی پیداوار زبیدہ جلال، بنجاھی وزیر برائے اھوالکاری سینیٹر شبلی فراز، بنجاھی وزیر برائے منصوبگ بندی اسد عمر، ڈپٹی اسپیکر راجی اسمبلی قاسم خان سوری، سر وزیر بلوچستان جام کمال خان، صوبائی وزیر ، چیئرمین این ڈی ایم اے لیفٹیننٹ جنرل محمد افضل، چیف سیکرٹری بلوچستان ءُ کلانہ ایں اپسرگ دیوان ءَ بھر زوری کنگ ءَ اتنت۔ مزن وزیر میڈیا کارگس ءِ رد ءَ چیف سیکرٹری بلوچستان ءَ صوبگ ءِ جتا جتائیں بھر آنی تہ ءَ استیں ھور ءُ ارگ ءِ جاور ھال، جانی ءُ مالی تاوان، انفراسٹرکچر ءِ برجائی ، الس ءِ طبی جان سلامتی، راشن ءِ پجاری ءُ ریلیف ءِ چست ءُ ایر آنی ھوالگ ءَ گامگیج آنی سر ءَ بریفنگ دات۔ دیوان ءَ را گوشگ بوت کہ ھور ءُ ارگ اگست ءَ بندات ءَ چہ صوبگ ءَ ایمرجنسی جنگ بوتگ۔ صوبگ ءِ جتا جتائیں بنداتی وارننگ ءُ ریلیف کیمپس جوڑ کنگ بوتگ۔ پاک آرمی ءِ نیمگ ءَ ٹوھیں مشینر ءُ ریسکیو سپورٹ پجاری کنگ بوتگ۔ سڑک ، پُل نالی ءُ ڈیم آںی جوڑیشت ءِ کار جاڑی انت۔ بریفنگ ءَ گوشت بوت کہ ریلیف ءِ کار سرجم کنگ بوتگ۔ آئی ءَ گوشت کہ استیں وھد ءِ ھور آنی سبب ءَ ڈیم آنی آپ سک باز نہ انت۔ دیوان ءَ را گوشگ بوت کہ چیف سیکرٹری ءَ کورونا ھوپ ءِ جاور ھال ءِ ھوالگ ءَ مارچ ءُ ستمبر ءِ ماھ آنی چار ءُ تپاسی پیش کنگ بوت ءُ شریکیں مردم آناں سرپد کنگ بوت کہ اے وھد ءَ صوبگ ءَ کورونا ءِ کلی 886 ایکٹو کیس انت۔ کورونا ھوپ ءَ این ڈی ایم اے ءَ جوانیں کمک پجارینتگ۔ مزن وزیر ءَ بنجاھی حکومت ءِ نیمگ ءَ گیشاں چہ گیش کمک پجارینگ ءِ درشان کنان ءَ گوشت کہ پی ایس ڈی پی ءَ ھمینکیاس فنڈز بلوچستا ءِ واستہ گیشینگ بوتگ اینکیاس دگہ اچ صوبگ ءِ واستہ گیشینگ نہ بوتگ۔ پاکستان تحریک انصاف ءِ حکومت بزگیں مردم آنی گہبود ءُ پشت کپتگیں دمگ آنی دیمروئی ءُ وشھالی ءِ ایجنڈا ءِ سرجمیں ءِ ھاترا رھادگ انت۔
