اسلام آباد ۔ 10 ستمبر (اے پی پی) مزن وزیر عمران خان ءَ ریور راوی فرنٹ اربن ڈویلپمنٹ پراجیکٹ ءُ بنڈل آئی لینڈ منصوبگ آنی تہ ءَ سرمایہ کار، بلڈرز ءُ جنسٹرکٹرز آنی نیمگ ءَ جھلانکیں واھگ آںی سر ئَ دل یکیمی ءِ درشان کنان ءَ گوشت کہ اے دو میگا پراجیکٹس ءَ چہ اربانی سرمایہ کار آناں آسراتی رسیت ءُ معیشت ءِ جتا جتائیں شوبگ آناں دیمروئی رسیت، ڈن ملک ءَ نندوکیں پاکستنای سرمایہ کار آںی گوما ھندی سرمایہ کار آناں ھم دلبڈی دیگ بیت تانکہ آ اے موہ آنی تہ ءَ گیشاں چہ گیش سیت چست کت بکن انت۔ اے ھیالانی درشانی آئی ءَ پنچ شمبے ءِ روچ ءَ نیشنل کوآرڈینیشن کمیٹی برائے ہائوسنگ ، کنسٹرکشن اینڈ ڈویلپمنٹ ءِ دیوان ءِ سروکی ءَ کنان ءَ کت۔ دیوان ءَ وزیر ءِ اھوالکاری ءُ شنگ کاری سینیٹر شبلی فراز، ھاسیں کمکار ملک امین اسلم، لیفٹیننٹ جنرل (ر) عاصم سلیم باجوہ، ڈاکٹر شہباز گل، چیئرمین نوکیں پاکستان ہاؤسنگ اتھارٹی لیفٹیننٹ جنرل (ر) انور علی حیدر، گورنر سٹیٹ بینک، چیئرمین ایف بی آر ءُ ایندگر کاندہ آں بھر زوری کت۔ جوڑیشت ءِ شوبگ ءَ گوں بندوک ملک ءِ نامداریں کاروباری بامرد عقیل کریم ڈھیڈی، عارف حبیب، عباس مختار، فواد مختار، فیصل آفریدی، محمد احسن، شاہد عبداﷲ، طارق رفیع ءُ ایندگر آں دیوان ءَ بھر زوری کت۔ دیوان ءَ ریور راوی فرنٹ اربن ڈویلپمنٹ پراجیکٹ ءُ بنڈل آئی لینڈ منصو بگ آںی سر ءَ سرجمیں بریفنگ دیگ بوت۔
