اسلام آباد ۔ 10 ستمبر (اے پی پی) مزن وزیر عمران خان ءَ کودکیں زھگ ءُ زالبول ءَ گوں ریپ ءِ جتا جتائیں واکیہ آنی سر ءَ سر ءَ ترندی ءَ گوں نوٹس زرتگ سیادی داروکیں آئی جیز آں چہ رپورٹ گوانک جتگ۔ مزن وزیر کارگس ءِ میڈیا ونگ ءِ نیمگ ءَ جاڑٰ بوتگیں بیان ءِ رد ءَ مزن وزیر عمران خان ءَ گوشتگ کہ زالبول آنی سیکورٹی حکومت ءِ اولی ترجی داتگیں کار ءُ زمہ واری انت۔ کجام ھم چاگرد ءَ اے رنگیں درندگی ءُ سیاھ کاری ءِ موہ دیگ نہ بیت، اے رنگیں واکیہ مئے چاگرد ی شرپ ءُ ازت ءَ را ڈگار ءَ دور دیاں ءُ سوسائٹی ءِ سر ءَ سیاھیں ٹپ ءُ چیدگ نکش کناں۔ مزن وزیر ءَ واکیہ ءَ گوں دست مانجیں مردم آنی زوت کانود ءِ پنج آں کنگ ءُ سزا دیگ ءِ حکم داتگ۔ مزن وزیر ءَ کودکیں زھگ ءُ زالبول ءَ را بے شرپ کنگ ءِ واکیہ آنی گر ءُ دار کنگ ءِ ھوالگ ءَ کانود ءَ را گیش گہتر ءُ جوان کنگ ءِ واستہ گامگیج چست کنگ ءِ پنت ءُ شون کتگ۔
