اسلام آباد ۔ 10 ستمبر (اے پی پی) مزن وزیر عمرانکان ءَ گوشتگ کہ ڈن ملک ءَ نندوکیں پاکستانی ملک ئَ جوڑیشت ءَ ھوار جتا جتائیں شوبگ آںہ تہ ءَ سرمایہ کاری ءِ استیں موہ آں چہ گیشاں چہ گیش سیت چست بکن انت، ڈن ملک ءَ ننوکیں پاکستانی آناں روشن ڈیجیٹل اکائونٹ ءَ چہ پاکستان ءَ سرمایہ کاری ءَ آسانی رسیت، مزنیں منصوبگ آنی تہ ءَ اوورسیز پاکستانی آنی ھواری ءَ را دل یکیمی جوڑ کناں، جوڑیشت ءِ سوبگ ءِ دیمروئی ءَ چہ ایندگر صنعت آناں دیمروئی رسیت، ملک ءَ معاشی چست ءُ ایر آنی دیمروئی ءَ چہ ملکی معیشت برجم بیت، کاروبار ءِ تہ ءَ آسانی ءِ گوما سرمایہ کار آناں ھمک رنگیں آسراتی پجاری کنگ ءَ آں۔ اے ھیالانی درشانی آئی ءَ پنچ شمبے ءِ روچ ءَ ڈن ملک ءَ نندوکیں پاکستانی آنی واستہ روشن ڈیجیٹل اکائونٹ ءِ بنگیجی مراگش ءَ گوں گشتانک دیان ءَ کت۔ مزن وزیر عمران خان ءَ گوشت کہ ڈن ملک ءَ نندوکیں پاکستانی ملک ءِ مڈی انت، روشن ڈیجیٹل اکائونٹ ڈن ملک ءَ نندوکیں پاکستانی آناں آسراتی پجاری ءَ اولی گام انت، ایشی ءَ چہ ڈن ملک ءَ نندوکیں پاکستانی آناں ملک ءِ سرمایہ کاری ءُ ایندگر مول ءُ مراد آنی واستہ زرۤ روان دیگ ءِ تہ ءَ آسانی بیت۔
