اسلام آباد ۔ 10 ستمبر (اے پی پی) سپیکر راجی اسمبلی اسد قیصر ءَ گوشت کہ پاکستان توامیں ھمساھگیں ملک آںی گوما جوانیں جاور ءُ دوستی ءُ یکوئی ءِ سر ءَ دل یکیم انت، اوگانستان ءُ آزربائیجان یک شل ءَ اسلامی ملک انت ءُ ایشاں گوں دوستی ءُ یکوئی یکجائی نیک راھ ءُ دود ءُ ربیدگ ءُ وت مہ وتی نزیکی سیت آنی سر ءَ انت۔ اے ھیالانی درشانی آئی ءَ اوگانستان ءُ آزربائیجان ءِ واستہ نامینتگیں سفیر آں گوں تران کنان ءَ کت آئی ءَ پنچ شمبے ءَ آئی ءَ گوں جتا جتائیں گند ءُ نند کت۔ اوگانستان ءِ واستہ پاکستان ءِ نامینتگیں سفیر منصور احمد خان ءَ گوں تران کنان ءَ سپیکر راجی اسمبلی ءَ گوشت کہ پاکستان ءِ اوگانستان ءِ گوما باز کوھنیں دوستی ءُ یکوئی است۔ آئی ءَ گوشت کہ اوگانستا ءِ گوما تجارتی ءُ اقتصادی یکوئی آناں گیش شاھیگان کنگ استیں حکومت ءِ اول سرئی کار آںی تہ ءَ ھوار انت۔
